Loma 13:2 - Tosi Tapu

² Ko leia e agatuu ki le pule, e agatuu ki le fakatuutuu a le Atua, ti ko latou ala e agatuu, e aumai ia loa kia latou le tautea.

Loma 13:2 ပူးပေါင်းရင်းမြစ်များ

Ekesote 16:8

Na pati loa Moisese : E soli loa e le Eteleno kia koutou i le afiafi leinei se kanoi manu ke kai ; ti i le usu apogipogi, e soli atu loa e ia se pane ke kotou makona ai, talie kua logo le Eteleno ki lauga ala na kotou fai kiate ia ; ti ko ai maua ? E leaise ko maua ala e kotou gugu ki ai, kae ko le Eteleno totonu leia e kotou gugu ki ai.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Maleko 12:40

ala e tafi ia a fale o fafine lokonui, mo fai ia ni kole loloa ke fakamatamalie. E fakamaaui loa latou o mamafa ai.

Luka 20:47

e lotou too fakamakeke a nea fuli o fafine lokonui, ti e lotou fai ni kole loloa ke lotou fakamata malie ai ki tafa. E mamafa ake loa lolatou fakamaaui.

Loma 13:1

Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Loma 13:3

Talie e leaise i ki le kau taki i se nea e malie, kae i se nea e veli. Kapau e ke loto ke aua na ke i ki le pule, fai le nea e malie, ti e fakamaoki loa a ia kiate koe.

Loma 13:5

Koia e aoga ai ke fakataulalo, o leaise tupu fua ko le i ki le tua, kae o tupu foki ko le loto.

Loma 9:19

E ke pati mai loa kiate au : Kolea koi ita ai a ia ? Talie ko ai e taofi ia lona finegalo ?

Tito 3:1

Fakamanatu kia latou ke lotou fakataulalo ki le kau takitaki mo le kau pule, ke lotou fakalogo kia latou mo nofo teuteu ki gaoi malilie fuli ;

Sakopo 3:1

Ei oku fetaina, ke aua na fai akonaki se toka api, talie e kotou iloa e lasi loa lotatou tautea.

Uluaki tosi a Petelo 2:13

Ke kotou fakataulalo, o tupu ko le Aliki, ki pule fuli ala kua fakanofo i lotolotoga o tagata : ki le sau ofaipe leia e lasi,