Loma 13:1 - Tosi Tapu

¹ Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Loma 13:1 ပူးပေါင်းရင်းမြစ်များ

Pesalemo 62:11

Ke aua na kotou fanaki ki le fakamakeke, Ti ke aua na kotou tuku se fanaki sala ki le kaia ; Ka tupu a koloa o lasi, Ke aua na pipiki ki ai okoutou loto.

Taagapati 24:21

Ei loku vosa, i ki le Eteleno mo le sau ; Aua na ke kau mo le kau tagata fakamaveuveu ;

Taniela 2:21

Ko ia leia e fetogi ia a temi mo anoaga o nea, ko ia leia e fakaifo ia mo fakanofo ia a sau, leia e tuku ia le poto ki le kau poto mo le iloa o nea kia latou ala e maua ia se atamai.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Gaoi 2:41

Ko latou ala na tali ia loa lana folafola na papitema loa ; ti i le aso fai lena, na lasi loa le api o le kau tisipulo i laumalie e tino afe tolu.

Loma 12:21

Ke aua na ke tuku a koe ke lava i le veli, kae ke ke malo i le veli i le malie.

Loma 13:2

Ko leia e agatuu ki le pule, e agatuu ki le fakatuutuu a le Atua, ti ko latou ala e agatuu, e aumai ia loa kia latou le tautea.

Efeso 5:21

Kotou fefakataulaloaki ia koutou i le fakaapaapa kia Kilisito.

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Uluaki tosi kia Timoteo 2:2

o tupu ko sau ti mo latou fuli ala kua siki e se tuulaga, o tupu ke tou maua se mauli tokamalie mo fimalie, i le tausi ki le Atua ti mo le agatonu.

Tito 3:1

Fakamanatu kia latou ke lotou fakataulalo ki le kau takitaki mo le kau pule, ke lotou fakalogo kia latou mo nofo teuteu ki gaoi malilie fuli ;

Suta 1:8

Logo ai le nea lena, ko tagata foki ana e fai nea tatau : e lotou maua ni tio ala e taki ia latou ke lotou fakakelekele olatou tino, ti e lotou nukinuki ki le pule a le Aliki, ti e lotou lauveli ki kololia i le lagi.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.

Uluaki tosi a Samuele 2:8

E siki ake e ia mei le efu le tagata mativa, E lagai e ia mei le tauga penu le fakaaloalofa, ke fakatonatona laua mo le kau lalasi. Ti e soli e ia kia latou se ekeekeaga o le kololia, ke lotou maua tofiga ; Talie a le Eteleno a pou o le kele, Ti na fakatuu e ia le malama nei i ai.