Loma 12:8 - Tosi Tapu

⁸ ko leia e fakamakeke ke pipiki a ia ki le fakamakeke ; ko leia e soli ke fai e ia mo le loto malie ; ko leia e takitaki ke fai e ia mo le loto katoa ; ti ko leia e alofa ki le kau mativa ke fai e ia mo le loto fiafia.

Loma 12:8 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Pesalemo 112:9

E fai e ia ni tufa koloa, e soli e ia ki le kau mativa ; E tuu lona faitotonu o lee gato ; E malaga lona ulu i le kololia.

Pesalemo 37:21

E too e le tagata agaveli ni maua, ti e leaise ui e ia ; E loto alofa le tagata agatonu, ti e solisoli a ia.

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Esaia 32:5

E leaise toe soli loa ki le tagata valea le igoa ko le tagata aliki, Pe ki le tagata kaka le igoa ko le manava alofa.

Esaia 32:8

Kae ko leia e agamalie e fai ia ni fakakaukau malilie, Ti e kataki a ia i ana fakakaukau malilie.

Esaia 64:5

E motou fai fuli pe ni nea kelekele, Ti e fai lomatou faitotonu katoa pe se kofu kelekele ; E motou fefe fuli ofaipe se lau laakau, Ti e ave matou e amatou agaveli ofaipe le matagi.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 13:12

Ti ko le kovana, i lana tio ki le nea kua soko, na tui loa a ia, talie kua lave loa iate ia le akonaki a le Aliki.

Gaoi 13:15

I le oki o le lau o le tosi o le Lao mo le kau polofeta, na kakau loa e pule o le sinakoka ke pati kia laua : Fetaina, kapau e kolua maua ni akonaki ki le kakai, ke kolua masau.

Gaoi 15:32

Ko Suta mo Silasi, ala na polofeta foki, na fakalotomakeke ia loa a fetaina mo fakamakeke loa latou ki ni akonaki mauke ai.

Gaoi 20:2

Na foli loa e ia le fenua lena, o fai ni akonaki lasi fakalotomakeke ki le kau tisipulo,

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Gaoi 4:36

Ko Sosefo, leia na fakaigoa e le kau apositolo ko Palenapa, (ko lona uiga ko le vosa o le fakapelepele), tagata Levita, mei le motu ko Sipele,

Loma 12:13

Ke kotou tokaga ki nea ala e aoga ki le kau sagato mativa. Ke kotou fakatalitali kaiga.

Loma 13:6

Ko le tupuaga foki lena o lakoutou totogi a tukusau. Talie ko pule ko tagata fakasausau latou a le Atua, ke tokaga ki le gaoi lena.

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Uluaki tosi ki le kau Kolinto 14:3

Kae ko leia e kikite e masau a ia ki tagata, ke faufau latou, mo fakalotomakeke latou, mo fakafimalie latou.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Lua tosi ki le kau Kolinto 9:11

Ti e fakamoukoloa loa e ia koutou i nea fuli ki le fai o nea alofa kesekese, ala e fakatupu ia loa ni fakafetai ki le Atua ia maua.

Lua tosi ki le kau Kolinto 9:13

I le tio loa ki le tokoi lena kia latou, e lotou fakakololia loa ki le Atua o uiga mo lakoutou fakalogo ki le fakasa o le Evaselio a Kilisito, ti mo lokotou alofa lasi o vaevae okoutou koloa mo latou ti mo le kakai katoa ;

Lua tosi ki le kau Kolinto 9:7

Ke soli e le tagata taki toka tasi o mulimuli ki le nea leia kua fakapapau ki ai i lona loto, kae leai i le loto mamae, pe i le fakamaua, talie e alofa le Atua ki leia e soli fiafia.

Efeso 6:5

Tagata fakasausau, kotou patigaofie ki okoutou pule fakamalama, i le i mo le lulu, i le loto faigaofie, ofaipe kia Kilisito,

Tetelonome 15:14

Kae e ke soli loa kiate ia ni nea i nea fuli ala na tuku fakaalofa atu kiate koe e le Eteleno, lou Atua : ni ovi, mo ni koti, mo se fulumeto, mo se vino.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Kolose 3:22

Tagata fakasausau, kotou fakalogo i nea fuli ki okoutou pule i le kanofi, o leaise gato fua i olatou mua, o sakinake ke fakamatamalie ki tagata, kae i le loto faigaofie, o i ki le Aliki.

Uluaki tosi ki le kau Tesalonika 2:3

Talie e leaise fakatafito lamatou akonaki ki le kaka, pe ki ni manatu kelekele, pe ki le fakasolosolo veli ;

Uluaki tosi ki le kau Tesalonika 2:8

Koia na motou loto ai, i le lasi o lomatou alofa kia koutou, ke soli atu kia koutou o leaise gato fua i le Evaselio o le Atua, kae mo omatou mauli totonu foki, i le lasi o lomatou alofa kia koutou.

Uluaki tosi kia Timoteo 4:13

O kaku ki laku kaku atu, tokaga ki le lautosi, mo le fakamakeke, mo le akonaki.

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 13:22

E kau kole atu kia koutou, fetaina, ke kotou tali a kupu fakamakeke anei, talie na kau fai tosi fakatoetoe atu kia koutou.

Epelo 13:24

Fakaalofa ake ki okoutou kau takitaki fuli ti mo le kau sagato fuli. E fakaalofa atu kia koutou latou i Italia.

Epelo 13:7

Kotou manatui okoutou kau takitaki ala na fakasa ia atu kia koutou le folafola a le Atua ; kotou tio ki le fakaoki o lolatou mauli, ti kotou faifaitaki lalatou tui.