Loma 12:6 - Tosi Tapu

⁶ Kae tupu e tou maua ni nea alofa kesekese, o mulimuli ki le kalasia kua soli mai kia tatou, ko leia e fai kikite ke fai e ia o fakatatau ki le lasi o le tui ;

Loma 12:6 ပူးပေါင်းရင်းမြစ်များ

Mateo 23:34

Koia loa, ko leinei, e kau kakau atu loa kia koutou ni polofeta, ni tagata poto ti mo ni sekelipa. E kotou tamate loa ni iki, ti e kotou kulusifiko loa ni iki, ti e kotou sasa loa ki laakau ni iki i okoutou sinakoka, ti e kotou fakavelivelii loa latou mei leia a kolo ki leia a kolo,

Mateo 25:22

Na fakafeofi ake loa leia na tali ia a fa tenalio e lua, o pati : Aliki, na ke tuku mai kiate au ni fa tenalio e lua ; ko leinei kua kau toe maua ni iki ake fa tenalio e lua.

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Gaoi 13:1

Na i ai ni polofeta mo ni toketa i le Ekelesia o Atiokia : Ko Palenapa, mo Simeone na igoa ko Uli, mo Lusiusi mei Silene, mo Manaene leia na lasi ake fakatasi mo le sau ko Elote Atipasi, ti mo Saulo.

Gaoi 15:32

Ko Suta mo Silasi, ala na polofeta foki, na fakalotomakeke ia loa a fetaina mo fakamakeke loa latou ki ni akonaki mauke ai.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Gaoi 21:9

Na maua e ia ni taineliki taupoou e toka fa, ala na kikite.

Loma 1:11

Talie e kau oli mamae ai ke kau tio kia koutou, o tupu ke kau tuku atu kia koutou ni nea alofa fakalaumalie ke kotou loto makeke ai,

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Uluaki tosi ki le kau Kolinto 12:18

Ko leinei kua fakatuu e le Atua a koga tino taki tasi i le tino ofai ki lona finegalo.

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Uluaki tosi ki le kau Kolinto 14:1

Kotou afa le alofa. Kotou oli ki nea alofa fakalaumalie, kae tafito ki leia o le kikite.

Uluaki tosi ki le kau Kolinto 14:24

Kae kapau e kotou kikite fuli, kae e ulu mai loa se tasi leia e lee tui, pe ko se tagata leia e fia logo, e lave loa akoutou masau i lona loto, ti e fakamaaui loa a ia e koutou fuli,

Uluaki tosi ki le kau Kolinto 14:29

O uiga mo le kau polofeta, ke masau se toka lua pe ko se toka tolu, kae ke fakamaau e la ake ;

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Uluaki tosi ki le kau Kolinto 7:7

E kau fakaamu ake ke tatau tagata fuli mo au. Kae e tali e le tagata taki toka tasi se nea alofa totonu mei le Atua, ko le tasi le nea alofa leinei, ti ko le tasi ake le nea alofa leia.

Lua tosi ki le kau Kolinto 8:12

Talie kapau e maua le loto malie ke soli, e tali e le Atua le nea leia e soli o mulimuli ki le nea leia e maua, kae e leai ki le nea leia e leaise maua.

Efeso 3:5

Na leaise fakasa a ia ki vosa o tagata i tautupu mua, ofaipe lona fakasa i le temi nei e le Laumalie ki le kau apositolo maokioki mo le kau polofeta a Kilisito.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Filipe 3:15

Koia ko tatou fuli ala ko ni tagata kua katoa, ke tou maua le manatu lena ; ti kapau e kotou maua se tasi ake manatu, e fakamalamai loa koutou e le Atua i le nea foki lena.

Uluaki tosi ki le kau Tesalonika 5:20

Aua na kotou fakanoai a kikite.

Lua tosi a Petelo 1:20

I mua o nea fuli, ke kotou iloa e koutou totonu e leaise feala ke fakamatala e se tasi se folafola kikite o le Tosi o mulimuli ki lona loto,