Loma 12:19 - Tosi Tapu

¹⁹ Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Loma 12:19 ပူးပေါင်းရင်းမြစ်များ

Taagapati 20:22

Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Taagapati 24:29

Aua na ke pati : E kau fai loa kiate ia ofaipe lana fai mai kiate au, E kau liufaki loa kiate ia o mulimuli ki ana gaoi.

Selemia 51:36

Koia e folafola ai le Eteleno, o pati : Ko leinei, e kau puipui loa a koe, E kau totogi loa le veli leia na fai kiate koe ! E kau fakamalo loa le tai o Papilone, Ti e kau fakamasa loa lona matapuna vai.

Esekiele 25:12

E folafola le Aliki, le Eteleno, o pati : O tupu na tautea fakaveliveli e Etome Le fale o Suta, O tupu na lotou agasala lasi,

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Mateo 5:39

Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Loma 12:14

Ke kotou tapuaki kia latou e fakaveliveli atu kia koutou, kotou tapuaki kae aua na kotou tutuku.

Loma 12:17

Aua na kotou totogi ki se tasi le veli ki le veli. Kotou afa le nea e malie i mua o tagata fuli.

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Efeso 4:27

talie ke aua na kotou tuku se uluaga ki le Tiapolo.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Tetelonome 32:43

Atu puleaga, ke kotou sua a fakavikiviki o lona kakai ! Talie e taui e le Eteleno le toto o ana tagata fakasausau, E tautea e ia ona fili, Ti e fai e ia le fakamolemole o agasala ki lona fenua, mo lona kakai.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Lua tosi kia Timoteo 4:14

Ko Alesatelo, le tagata gaoi ukamea, na fai nea veli lasi kiate au. E liufaki loa e le Aliki kiate ia o fakatatau ki ana gaoi.

Epelo 10:30

Talie e tou iloa leia kua pati : A aku le lagavaka, a aku le totogi ! ti na toe pati : E fakamaaui loa e le Aliki lona kakai

Uluaki tosi a Samuele 25:26

I le lakaga nei, ei loku aliki, ofaipe le maoki e mauli le Eteleno ti e mauli lou laumalie, ko le Eteleno leia kua taofi ia a koe ke aua na ke liligi noa le toto, ti ko ia leia kua taofi ia lou lima. Ke liliu ou fili, mo latou ala e loto veli ki loku aliki, ofaipe Napale !

Uluaki tosi a Samuele 25:33

Ke fakafetai ki lou fakapotopoto, ti ke fakamalo kiate koe, leia na taofi ia au i le aso nei ke liligi le toto, ti na taofi ia loku lima !

Uluaki tosi a Samuele 26:10

Ti na pati loa Tavite : E mauli le Eteleno ! A le Eteleno toka tasi lona taai, pe kua soko lona aso mate ti mate a ia, pe kua ifo a ia ki se malae tau, o mate ai.

Uluaki tosi a Samuele 26:11

E mauli le Eteleno, ke mamao iate au laku fafa ki le filifiliia a le Eteleno ! Ta too fua le tao i ona fugaulu mo le fa vai, ti ta ano.