Loma 12:14 - Tosi Tapu

¹⁴ Ke kotou tapuaki kia latou e fakaveliveli atu kia koutou, kotou tapuaki kae aua na kotou tutuku.

Loma 12:14 ပူးပေါင်းရင်းမြစ်များ

Mateo 5:44

Kae ko au, e kau pati atu kia koutou : Kotou alofa ki okoutou fili, kotou tapuaki kia latou ala e tutuku ia koutou, kotou fai le nea leia e malie kia latou ala e vesia mai kia koutou, ti kotou ulufaki latou ala e fai nea veli mai kia koutou ti mo fakaveliveli mai kia koutou,

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Luka 6:28

Kotou tapuaki kia latou ala e tutuku ia koutou, kotou ulufaki latou ala e fakaveliveli mai kia koutou.

Gaoi 7:60

Ti na tuutuli loa a ia, o kalaga leo lasi : Aliki, aua na ke tuku kia latou le agasala leinei ! Ti i le oki o masau ana, na moe loa a ia.

Loma 12:21

Ke aua na ke tuku a koe ke lava i le veli, kae ke ke malo i le veli i le malie.

Uluaki tosi ki le kau Tesalonika 5:15

Kotou tokaga ke aua na totogi e se tasi le veli ki le veli, kae ke kotou afa tuumau le malie i okoutou vasaa ti mo tagata fuli.

Sakopo 3:10

Mei le gutu fuai e tasi e mapusi ai le tapuaki mo le malaia. E leaise tonu, ei oku fetaina, ke fenaaki.

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.