Loma 12:1 - Tosi Tapu

¹ Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 12:1 ပူးပေါင်းရင်းမြစ်များ

Pesalemo 116:12

Pe feaki loa ke kau liufaki ki le Eteleno Ana nea malilie fuli kiate au ?

Pesalemo 19:14

Ke ke puipui foki lau tagata fakasausau i le kau fia nealasi, Ke aua na lotou pule kiate au ! Ti e kau agatonu loa, o mea i agasala lalasi.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Numelo 7:21

mo se pipi tagata muli, mo se ovi tagata, mo se akeno fetuu tasi, ki le failaulau ;

Luka 7:47

Koia e kau pati atu ai kiate koe, kua fakamolemole ana agasala ala na lasi ai ; koia leia na alofa lasi ai a ia. Kae ko leia e fakamolemole ikiiki ki ai e alofa ikiiki.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Loma 15:30

E kau fakalotomakeke koutou, fetaina, o tupu ko lotatou Aliki ko Sesu-Kilisito ti mo le alofa o le Laumalie, ke kotou tau fakatasi mo au, o kotou fai ki le Atua ni kole o uiga mo au,

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:16

Pe leaise kotou iloa ka kotou tuku koutou ke tausi ki se tasi o fakalogo kiate ia, e kotou popula ki leia e kotou fakalogo ki ai : pe ki le agasala leia e taki ia ki le mate, pe ki le fakalogo leia e taki ia ki le faitotonu ?

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Uluaki tosi ki le kau Kolinto 1:10

Koia, fetaina, e kau kole mamae atu kia koutou i le suafa o lotatou Aliki ko Sesu-Kilisito, ke kotou masau fuli ki se masau e tasi, ti ke aua na maua ni fakavaevaega ia koutou, kae ke kotou pipiki tasi i se loto e tasi, ti mo se fakakaukau e tasi.

Lua tosi ki le kau Kolinto 10:1

Ko au Paulo, e kau kole atu kia koutou, i le agamalu mo le agamalie o Kilisito, a au leia e mata gaegae i okoutou mua mo ka kau nofo mo koutou, ti e apele i le loto toa kia koutou mo ka kau nofo mamao.

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Lua tosi ki le kau Kolinto 5:20

Ti ko leinei, e ma fai a gaoi a tagata fakafofoga o Kilisito, o sakinake e fakakolekole le Atua ia maua ; e ma kolekole atu kia koutou i le igoa o Kilisito : Kotou fakatokatoka mo le Atua !

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Efeso 4:1

Koia e kau kole ai kia koutou, e au, ko le tagata pilisoni i le Aliki, ke kotou saele i se saele leia e gali mo le kalaga leia kua fai atu kia koutou,

Efeso 5:10

Kotou afa le nea leia e malie ki le Aliki ;

Tetelonome 14:2

Talie ko se kakai maokioki a koe ki le Eteleno, lou Atua ; ti kua filifili a koe e le Eteleno, lou Atua, ke ke liliu ko lona kakai alofaina i kakai fuli i aluga o le malama nei.

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi ki le kau Tesalonika 4:10

ti e kotou fai foki le nea lena ki fetaina fuli i Masetonia katoa. Kae e motou kole atu kia koutou, fetaina, ke kotou tuputupua tuumau i le alofa lena,

Uluaki tosi ki le kau Tesalonika 5:12

E motou kole atu kia koutou, fetaina, kotou fakaapaapa kia latou ala e gaoi kia koutou, mo takitaki ia koutou i le Aliki, ti mo ako ia koutou.

Uluaki tosi kia Timoteo 2:3

E malie mo aoga le nea lena i mua o le Atua lotatou Fakamauli,

Uluaki tosi kia Timoteo 5:4

Ti kapau e maua e se fafine lokonui ni ana fanau pe ko ni ona makopuna, e tonu ke lotou ako i mua o nea fuli le fai o le aga fakaatua ki olatou famili totonu, ti ke lotou totogi ki olatou matua le nea leia na lotou tali meia latou, talie e malie le nea lena ki le Atua.

Filemo 1:10

E kau kole atu kiate koe, o tupu ko laku fanau ko Onesimo, leia na kau fanaui i oku tini,

Filemo 1:9

kae e kau fai mua kiate koe i le igoa o le alofa se tagi, e au Paulo, ko se matua, ti ko se tagata pilisoni foki i le temi nei a Sesu-Kilisito.

Epelo 13:22

E kau kole atu kia koutou, fetaina, ke kotou tali a kupu fakamakeke anei, talie na kau fai tosi fakatoetoe atu kia koutou.

Uluaki tosi a Petelo 2:20

Talie ko le kololia fea leia e maua i le tali o ni mamae mo ni fakaveliveli o tupu ko le fai o ni nea ala e veveli ? Kae kapau e kotou mamae talie e kotou fai le nea leia e malie, ko se kalasia a ia i mua o le Atua.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.