Loma 11:8 - Tosi Tapu

⁸ o mulimuli ki le nea leia e tuu i le Tosi : Kua tuku e le Atua kia latou se loto tulemoe, Ni mata ke aua na tio, Ti mo ni taliga ke aua na logo, Okaku mai ki le aso nei. Ti na pati Tavite :

Loma 11:8 ပူးပေါင်းရင်းမြစ်များ

Lua tosi o Sau 17:34

I le aso nei, koi lotou muli aifai ki alatou agai fenua masani : e leaise lotou i fua ki le Eteleno, ti e leaise lotou muli fua ki alatou lao mo alatou fakatuutuu, ti toe tatau ki le lao mo fakatotonu ala na tuku e le Eteleno ki fanau a Sakopo leia na fakaigoa loa e ia ko Iselaele.

Lua tosi o Sau 17:41

Na i a puleaga ana ki le Eteleno mo tausi ki olatou fakatata ; ti na fai e alatou fanau mo fanau o alatou fanau o kaku mai ki le aso leinei a nea ala na fai e olatou tamana.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 6:9

Ti na pati loa a ia : Ano, o pati ki le kakai leinei : E kotou logo maoki loa, kae e leaise kotou matala loa fua ; E kotou tio maoki loa, kae e leaise kotou malama loa fua.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Esekiele 12:2

Vosa o le tagata, e ke nofo i loto malie o se famili o ni kau agatuu, ala e maua ia ni fa mata ke tio kae e leaise lotou tio fuai, ni taliga ke logo kae e leaise lotou logo fuai ; talie ko se famili o ni kau agatuu.

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Luka 8:10

Na tali loa Sesu : Kua tuku atu kia koutou ke kotou iloa a misitelio o le Puleaga o le Atua ; kae kia latou ake ala, kua fakasa a ia i ni folafola fakatata, o tupu ke lotou tio mata kae aua na lotou tio fua, ti ke lotou logo taliga kae aua na lotou matala fua.

Gaoi 28:26

Ano ki le kakai lena, o pati : Ekotou logo loa i okoutou taliga, kae e leaise kotou matala loa ; Ekotou tio loa i okoutou mata, Kae e leaise kotou malama loa.

Tetelonome 29:4

Kae, o kaku mai ki le aso leinei, na leaise tuku e le Eteleno kia koutou se loto ke matala, mo ni mata ke tio, mo ni taliga ke logo.