Loma 11:36 - Tosi Tapu

³⁶ Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Loma 11:36 ပူးပေါင်းရင်းမြစ်များ

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Esaia 42:12

Ke tuku le kololia ki le Eteleno, Ti ke fakasa ona fakavikiviki i atu motu !

Taniela 4:3

E lalasi ai ana fakamailoga ! E makeke ai ana nea fakamanamana ! Ko lana fakatotonu ko se fakatotonu lee gato, ti e tuu lana pule i tautupu mo tautupu.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Luka 19:38

Ti na lotou pati loa : Manuia le sau leia e saele mai i le suafa o le Aliki ! Tokamalie i le lagi, ti kololia i potu taualuga ai !

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Gaoi 17:28

talie e tou maua iate ia le mauli, mo le taugaoi, ti mo le agaaga. Na fakasa foki le nea lena e ni iki o okoutou tagata maau : Talie tou kau foki ki lona lanu.

Loma 16:27

Ke tuku ki le Atua, ko le poto e tasi, le kololia ia Sesu-Kilisito i sekulo mo sekulo ! Amene !

Uluaki tosi ki le kau Kolinto 11:12

Talie, ofaipe le fafine na too mei le tagata, e tupu foki le tagata mei le fafine, ti e au nea fuli mei le Atua.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Kalate 1:5

leia e tuku ki ai le kololia i sekulo mo sekulo ! Amene !

Efeso 3:21

ke tuku kiate ia le kololia i le Ekelesia ia Sesu-Kilisito, i tautupu fuli, i sekulo mo sekulo ! Amene !

Filipe 4:20

Ke tuku ki lotatou Atua ko le Tamana le kololia i sekulo mo sekulo ! Amene !

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Lua tosi kia Timoteo 4:18

Ti e saofaki loa au e le Aliki mei gaoi veveli fuli, ti e fakamauli loa e ia au, o fakaulu ki lona puleaga i le lagi. Kiate ia le kololia i sekulo mo sekulo ! Amene !

Epelo 13:21

ke fakaliliu e ia koutou ke kotou mafai ia a nea fuli ala e malilie, o tupu ke kotou fakasoko lona finegalo ; ti ke fai e ia kia koutou le nea leia e malie kiate ia ia Sesu-Kilisito, leia e tuku ki ai le kololia i sekulo mo sekulo ! Amene !

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Petelo 5:11

Ke tuku kiate ia le mafimafi i sekulo mo sekulo ! Amene !

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Suta 1:25

ki le Atua e tasi, ko lotatou Fakamauli, ia Sesu-Kilisito ko lotatou Aliki, ke tuku kiate ia le kololia, mo le pule, mo le makeke, ti mo le mafimafi, mei mua o temi fuli, mo le temi nei, ti mo sekulo fuli ! Amene !

Apokalipisi 19:1

I le oki o le nea lena, na kau logo loa i le lagi ofaipe se leo makeke o se kakai toka api leia na pati : Aleluia ! Ke tuku ki lotatou Atua le saofaki, mo le kololia, mo le mafimafi,

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 7:10

Ti na lotou kalaga leo lasi, o pati : ko le saofaki a lotatou Atua leia e ekeeke i le ekeekeaga fakasau, ti mo le Akeno.

Apokalipisi 7:12

o pati : Amene ! Ke tuku ki lotatou Atua le fakavikiviki, mo le kololia, mo le poto, mo le fakafetai, mo le fakaapaapa, mo le mafimafi, ti mo le makeke, i sekulo mo sekulo ! Amene !