Loma 11:28 - Tosi Tapu

²⁸ O uiga mo le Evaselio, kua lotou fili o tupu ko koutou ; kae o uiga mo le filifili, e alofaia latou o tupu ko olatou tamana.

Loma 11:28 ပူးပေါင်းရင်းမြစ်များ

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Mateo 21:43

Koia, e kau pati atu kia koutou, e too loa le puleaga o le Atua meia koutou, o tuku ki se puleaga leia e fakatupu ia loa ni fua.

Luka 1:54

Na tokoi a ia ki Iselaele, lana tagata fakasausau, Ti na manatui e ia lona manavaalofa,

Gaoi 14:2

Kae ko le kau Sutea lee tui na fakavelii ia loa le kau pagani ke lotou loto veli ki fetaina.

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Loma 11:11

Koia e kau pati ai : Pe kua lotou tukia ke lotou siga o talu oki ? E leai ai ! Kae, i lolatou siga, kua maua ai le fakamauli e le kau pagani ke tupu ai le finenonofo o le kau Iselaele.

Loma 11:30

Ko koutou, i mua na kotou patigataa ki le Atua ; kae i le temi nei kua kotou maua le manavaalofa o le Atua, o tupu ko lolatou patigataa.

Loma 11:7

Kolea koia ? Ko le nea leia na afa e Iselaele na leaise maua e ia, kae ko le kau filifiliia kua lotou maua a ia, ti ko la ake kua fakafefeka latou,

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Tetelonome 10:15

Kae, i le temi mua, na gato tasi ki ou tamana ala na pipiki ki ai le Eteleno, talie na alofa a ia kia latou. I le temi nei, ko koutou, ala ko lolatou sakoga, na filifili e ia i puleaga fuli, ofaipe lakoutou tio ki ai i le aso nei.

Tetelonome 4:31

talie ko le Eteleno, lou Atua, ko se Atua manava alofa, leia e leaise tiaki ia loa a koe ti e leaise maumaui oki ia loa a koe : e leaise galoi loa e ia le fakapapau leia na fai e ia ki ou tamana.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Tetelonome 9:5

Leai, e leaise se tupu ai ko lou maokioki mo le agatonu o lou loto leia e ke ulu ai loa o maua tofiga lolatou fenua ; kae e tupu ko le agaveli o puleaga ana leia e kapu ai latou e le Eteleno, lou Atua, i ou mua, ti ke fakamaoki ai le folafola leia na fakapapau e le Eteleno ki ou tamana, kia Apalaamo, mo Isaake, mo Sakopo.