Loma 11:22 - Tosi Tapu

²² Koia tio ki le agamalie mo le itaita o le Atua : itaita kia latou kua siga, ti agamalie kiate koe, mo kapau e ke nofo tuumau i le agamalie lena ; ka leai, ti e toe tuuti loa mo koe foki.

Loma 11:22 ပူးပေါင်းရင်းမြစ်များ

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Esekiele 18:24

Kapau e maliu le tagata agatonu i lona agatonu o fai le agasala, ti kapau e fai e ia a nea fakalialia fuli a le tagata agasala, pe mauli loa a ia ? Leai, e galoi loa lona faitotonu katoa, talie na fai e ia le agaveli mo le agasala ; ti e mate loa a ia, o tupu ko le nea lena.

Esekiele 3:20

Kapau e tafoki se tagata faitotonu i lana faitotonu o fai le nea leia e veli, e kau fakatuu loa se masele i ona mua, ti e mate loa a ia ; talie na leaise ke valoki a ia, e mate loa a ia i lana agasala, e leaise toe masau loa ki le faitotonu leia na fai e ia i mua, ti e kau toe afa atu loa kiate koe lona toto.

Luka 8:15

Ko leia e maluku ki le kele malie, ko latou ala e logo ki le folafola i se loto agatonu mo malie, ti e taofi ia a ia, ti e fua o tupu ko le kataki fualoa.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 8:31

Ti na pati loa a ia ki le kau Sutea ala na tui kiate ia : Kapau e kotou nonofo mau i laku folafola, ti ko aku tisipulo maoki koutou ;

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Loma 11:21

talie kapau na leaise fakasao e le Atua a laa totonu, e leaise fakasao loa e ia a koe foki.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Uluaki tosi ki le kau Kolinto 15:2

leia foki kua kotou saofaki ai, mo kapau e kotou taofi a ia ofaipe laku akonaki atu a ia kia koutou ; ka leai, na kotou tui noa.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Uluaki tosi ki le kau Tesalonika 3:5

Koia, i loku le leaise koi mafai laku kataki, na kau kakau loa se tasi ke fakasa ia mai kiate au le anoaga o lakoutou tui, talie na kau i na fakasalai koutou e le fili kae ano noa lamatou gaoi.

Uluaki tosi ki le kau Tesalonika 3:8

Koia kua motou mauli ai i le temi nei, talie kua kotou tuu makeke i le Aliki.

Epelo 10:23

Ke tou taofi makeke le fakasa o latatou amanaki malie, talie e agatonu leia na fai ia le fakapapau.

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.

Apokalipisi 2:5

Koia ke ke manatui loa le ganea leia kua ke vilo mei ai, ti ke ke fakasemala, o fai au uluaki gaoi ; ka leai, ti e kau au loa kiate koe, ti e kau too loa lou tekiaga malama mei lona tekiaga, io, mo kapau e leaise ke fakasemala.