Loma 11:20 - Tosi Tapu

²⁰ E tonu le nea a ia ; na tuuti latou o tupu ko lolatou tui gataa, ti ko koe, e ke tuu i le tui. Aua na ke fia taualuga, kae ke ke i loa ;

Loma 11:20 ပူးပေါင်းရင်းမြစ်များ

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Pesalemo 138:6

E taualuga le Eteleno : e tio a ia ki le kau agamalu, Ti e iloa e ia mei mamao le kau fia taualuga.

Taagapati 28:14

Manuia le tagata leia e i tuumau ki le Eteleno ! Kae ko leia e fakafefeka ia lona loto e vilo ki le malaia.

Taagapati 28:26

Ko leia e fanaki ki lona loto totonu ko se tagata valea, Kae ko leia e saele i le poto e fakamauli loa.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Loma 11:18

aua na ke tio fakaveli ki la ake na tuuti. Kapau e ke nekenekea, ke ke iloa e leaise ko koe leia e mauli ai le aka, kae ko le aka leia e ke mauli ai.

Loma 11:21

talie kapau na leaise fakasao e le Atua a laa totonu, e leaise fakasao loa e ia a koe foki.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Loma 12:3

I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Loma 3:3

Kolea koia ! Kapau na leaise tui ni iki, pe fakapuli loa e lolatou tui gataa le agatonu o le Atua ?

Uluaki tosi ki le kau Kolinto 10:12

Koia, ko leia e manatu e tuu a ia i aluga, ke tokaga a ia na vilo !

Uluaki tosi ki le kau Kolinto 15:1

E kau fakamanatu atu kia koutou, fetaina, le Evaselio leia na kau akonaki atu kia koutou, leia foki kua kotou tali, ti na kotou tuumau ai,

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Lua tosi ki le kau Kolinto 1:24

kae leaise tupu ke ma pulei ai lakoutou tui, kae tupu ke ma tokoi ki lokotou fiafia, talie kua kotou tuu makeke i le tui.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Filipe 2:12

Koia, ei oku alofaaga, ofaipe lakoutou patigaofie tuumau, o leaise gato fua mo ka kau nofo mo koutou, kae toe asili ake mo ka kau puli, kotou gaoi ki lokoutou saofaki i le i mo le lulu ;

Kolose 2:7

o tauaka mo fakatafito iate ia, mo tuu makeke i le tui, o mulimuli ki akonaki ala kua tuku atu kia koutou, ti mo tuputupua i le fakafetai.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Epelo 3:19

Koia e tou tio ai, na leaise mafai loa ke lotou ulu ki lona maloloaga, o tupu ko lolatou tui gataa.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Epelo 4:6

Koia, talie koi taofi ai ki ni iki ke ulu ki ai, ti na leaise ulu ki ai latou ala na uluaki fakasa ki ia le logo malie lena, o tupu ko lolatou tui gataa,

Sakopo 2:19

E ke tui e i ai se Atua fuai e tasi, e ke fai malie ; e tui foki le kau temonio ki ai, ti e lotou lulu.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;

Uluaki tosi a Petelo 5:12

Kua kau tosi atu kia koutou a ga kupu teiki anei ia Silivano, leia ko se taina agatonu kiate au, ke ekenaki ai koutou ti mo fakasa kia koutou le kalasia maoki leinei o le Atua, leia e kotou pipiki ki ai.

Uluaki tosi a Petelo 5:9

Kotou tekei a ia ki se tui makeke, o kotou iloa e tali foki a mamae ana e okoutou fetaina i le malama nei.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !

Apokalipisi 3:17

Talie e ke pati : E kau mou koloa, kua kau fakatupu o lasi oku koloa, ti e leaise aoga mai kiate au se nea, kae e leaise ke iloa e ke malaia, mo fakaaloalofa, mo mativa, mo kivi, ti mo telefua,