Loma 11:14 - Tosi Tapu

¹⁴ E kau fakaamu ke fakatupu i ai, mo kapau e feala, le finenonofo o latou o loku lanu, ti ke saofaki ai ni iki.

Loma 11:14 ပူးပေါင်းရင်းမြစ်များ

Senesi 29:14

Ti na pati loa Lapane kiate ia : E maoki ko koe ko loku ivi ti ko loku kanofi. Na nofo loa Sakopo i le masina e tasi i le fale o Lapane.

Lua tosi a Samuele 19:12

Ko oku fetaina koutou, ko oku ivi koutou mo loku kanofi, kolea ka kotou muli ai loa i le toe aumai o le sau ki lona fale sau ?

Loma 10:19

Kae e kau pati : Pe na leaise iloa e Iselaele le nea lena ? Na fuafuaki pati Moisese : E kau fakaliliu loa koutou ke finenonofo ki le nea leia e leaise ko se puleaga ; E kau fakaliliu loa koutou ke itaita ki se puleaga sala atamai.

Loma 11:11

Koia e kau pati ai : Pe kua lotou tukia ke lotou siga o talu oki ? E leai ai ! Kae, i lolatou siga, kua maua ai le fakamauli e le kau pagani ke tupu ai le finenonofo o le kau Iselaele.

Loma 9:3

Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Uluaki tosi ki le kau Kolinto 10:33

Io, ofaipe au foki, e kau faiga i nea fuli ke malie ki tagata fuli, o kau afa, o leai le nea leia e malie kiate au, kae le nea leia e malie ki le toka api, o tupu ke saofaki ai latou.

Uluaki tosi ki le kau Kolinto 7:16

Talie e ke iloa feaki, fafine, pe ke saofaki ia loa lou avaga ? Ti e ke iloa feaki, tagata, pe ke saofaki ia loa lou avaga ?

Uluaki tosi kia Timoteo 1:15

Ko se folafola maoki ti mo gali ke tali, na au Sesu-Kilisito ki malama nei o fakamauli le kau agasala, ti ko au ko le uluaki o latou.

Uluaki tosi kia Timoteo 2:4

leia e loto ke fakamauli tagata fuli, ti ke lotou kaku ki le iloa katoa o le maoki.

Uluaki tosi kia Timoteo 4:16

Tokaga kiate koe totonu, ti mo lau akonaki ; kataki fualoa i nea ana, talie, i lau fai fenaaki, e ke saofaki ai loa a koe totonu, ti e ke saofaki ai foki latou ala e fakalogologo atu kiate koe.

Lua tosi kia Timoteo 1:9

leia kua fakamauli ia tatou, ti kua kalagai ia tatou ke tou liliu ko lona kakai maokioki, o leaise tupu ko atatou gaoi, kae o mulimuli ki lana fakatuutuu totonu, ti mo le kalasia leia kua soli mai kia tatou ia Sesu-Kilisito i mua o le kamataaga o sekulo.

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Tito 3:5

kua saofaki e ia tatou, o leaise tupu ko gaoi o le faitotonu ala na tou fai, kae o mulimuli ki lona manavaalofa, ki le maanu o le tupu foou mo le fakafoou a le Laumalie Maokioki.

Filemo 1:12

E kau kakau atu a ia kiate koe, a ia ko se koga o oku totonu.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Sakopo 5:20

ke kotou iloa ko leia e aumai ia loa se tagata agasala mei le ala leia na sese ai, e fakamauli loa e ia se laumalie mei le mate, ti e ufiufi loa e ia ni agasala mauke ai.