Loma 11:12 - Tosi Tapu

¹² Ti kapau na liliu lolatou faisala ko le fakakoloaaga o le malama nei, ti ko lolatou fakamativa ko le fakakoloaaga a ia o le kau pagani, ti e feaki ake loa le lasi o koloa mo ka lotou tafoki fuli loa.

Loma 11:12 ပူးပေါင်းရင်းမြစ်များ

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Gaoi 3:21

leia e tonu ke tali e Selo o kaku ki aso o le toe fakafoou o nea fuli, leia na masau ki ai le Atua i le gutu o ana polofeta maokioki o le temi mua.

Loma 11:15

Talie kapau ko lolatou tiaki, ko le fakatokatoka a ia o le malama nei mo le Atua, e feaki ake loa lolatou toe aumai ? Ko le mauli loa aia kia latou ala na mamate ?

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Loma 9:23

ti kapau kua loto a ia ke fakasa a koloa o lona kololia ki ni ipu o le manavaalofa ala na teuteui fakatomua ki le kololia : Ko ai loa ke toe pati kiate ia ?

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.