Loma 10:19 - Tosi Tapu

¹⁹ Kae e kau pati : Pe na leaise iloa e Iselaele le nea lena ? Na fuafuaki pati Moisese : E kau fakaliliu loa koutou ke finenonofo ki le nea leia e leaise ko se puleaga ; E kau fakaliliu loa koutou ke itaita ki se puleaga sala atamai.

Loma 10:19 ပူးပေါင်းရင်းမြစ်များ

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Loma 11:11

Koia e kau pati ai : Pe kua lotou tukia ke lotou siga o talu oki ? E leai ai ! Kae, i lolatou siga, kua maua ai le fakamauli e le kau pagani ke tupu ai le finenonofo o le kau Iselaele.

Loma 11:14

E kau fakaamu ke fakatupu i ai, mo kapau e feala, le finenonofo o latou o loku lanu, ti ke saofaki ai ni iki.

Loma 3:26

Kae i le temi nei e fakasa e ia lona faitotonu, o tupu ke iloa e faitotonu a ia, ti e toe fakamatatonu e ia leia e tui kia Sesu.

Uluaki tosi ki le kau Kolinto 1:12

E kau fia masau i leinei, e kotou tasi pati feneeki : Ko au, o Paulo au ! - ti ko au, o Apolosio ! - ti ko au, o Sefasi ! - ti ko au, o Kilisito !

Uluaki tosi ki le kau Kolinto 10:19

Kolea loa le uiga o laku pati ? Pe ko se nea koia le inati leia e momoli ki taulaatua ? Pe ko se nea koia se taulaatua ? Leai ai.

Uluaki tosi ki le kau Kolinto 11:22

Pe leai ni okoutou fale ke kotou kai ai mo inu ai ? Pe kotou nukinuki ki le Ekelesia o le Atua, ti mo kotou fakalumai latou ala e leaise maua ia se nea ? Kolea ke kau pati loa kia koutou ? Pe kau vikiviki loa kia koutou ? I le nea lena e leaise kau vikiviki ai kia koutou.

Uluaki tosi ki le kau Kolinto 12:2

E kotou iloa, i lakotou koi nofo i le pagani, na kotou tuku koutou ke ave ki ni taulaatua gutu mate, ti na taki koutou e latou.

Uluaki tosi ki le kau Kolinto 15:50

Ko le nea leia e kau fakasa, fetaina, e leaise feala ke maua e le kanofi mo le toto le puleaga o le Atua, ti e leaise feala ke maua e nea pala a nea lee pala.

Uluaki tosi ki le kau Kolinto 7:29

Ko leinei le nea leia e kau fia fakasa, fetaina : kua toetoe le temi ; koia i le temi nei e tonu ke mauli a tagata ala kua nonofo mo se avaga o sakinake e lotou sala avaga ;

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.