Loma 1:8 - Tosi Tapu

⁸ E kau fuafuaki fakafetai ki loku Atua ia Sesu-Kilisito o uiga mo koutou fuli, talie kua logologona lakoutou tui i le malama nei katoa.

Loma 1:8 ပူးပေါင်းရင်းမြစ်များ

Mateo 24:14

E fakamafola loa le logo malie leinei o le puleaga i le malama nei katoa, ke fakamaoki ki puleaga fuli. Ti o soko mai loa le aso fakamuli.

Luka 2:1

I le temi a ia, na sa loa se tosi a Sesale Okusito, o fakatotonu ke tosi le malama nei katoa.

Gaoi 11:28

Ko se tasi o latou na igoa ko Akapusi, na tuu loa ki aluga o fakasa i le Laumalie, e to loa se oge lasi i le malama nei katoa. Ti na to loa le oge lena i le temi o Kolote, sau o le kau Loma.

Gaoi 28:22

Kae e motou fia logo meiate koe totonu pe kolea lau manatu, talie kua motou iloa le fakafesagai i ganea fuli ki le magai lotu lena.

Loma 10:18

Kae e kau pati : Pe na leaise lotou logo ? E io ! Kua taka olatou leo i le malama nei katoa, Ti kua kaku alatou folafola ki potupotu o le malama nei.

Loma 16:19

Kia koutou, kua iloa lakoutou fakalogo e tagata fuli. Koia e kau fiafia ai o uiga mo koutou, kae e kau loto ke kotou fakapotopoto i le nea e malie, ti ke kotou mea i le nea e veli.

Loma 6:17

Kae ke tuku a fakafetai ki le Atua, talie, i le oki o lokoutou popula ki le agasala, kua kotou fakalogo i le loto ki le lekula o le akonaki leia na tuku atu kia koutou.

Uluaki tosi ki le kau Kolinto 1:4

E kau fakafetai tuumau ki le Atua o uiga mo koutou, o tupu ko le kalasia o le Atua leia kua tuku atu e ia kia koutou ia Sesu-Kilisito,

Lua tosi ki le kau Kolinto 2:14

Ke fakafetai ki le Atua, leia e tuku ia kia tatou le malo tuumau ia Kilisito, ti mo liligi ia kia tatou le manogi o lona iloa i ganea fuli !

Efeso 1:15

Koia ko au foki, i laku logo ki le masaui o lakoutou tui ki le Aliki Sesu ti mo lokoutou alofa ki le kau sagato katoa,

Efeso 1:16

e leaise koi gato laku fakafetai o tupu ko koutou, o kau too okoutou igoa i aku faikole,

Efeso 3:21

ke tuku kiate ia le kololia i le Ekelesia ia Sesu-Kilisito, i tautupu fuli, i sekulo mo sekulo ! Amene !

Efeso 5:20

Kotou fakafetai tuumau ki le Atua le Tamana i nea fuli, i le suafa o lotatou Aliki ko Sesu-Kilisito.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Filipe 1:3

E kau fakafetai ki loku Atua o uiga mo koutou i temi fuli e kau manatu ai kia koutou,

Kolose 1:3

E ma fakafetai ki le Atua, le Tamana o lotatou Aliki ko Sesu-Kilisito, ti e leaise toe gato lama ulufaki koutou,

Uluaki tosi ki le kau Tesalonika 1:2

E motou fakafetai tuumau ki le Atua o tupu ko koutou fuli, o too okoutou igoa i amatou faikole ;

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Lua tosi ki le kau Tesalonika 1:3

E tonu, fetaina, ke motou fakafetai tuumau ki le Atua o tupu ko koutou, ti e totonu le nea lena, talie e saele lasi ki mua lakotou tui, ti e tuputupua lokoutou fealofani fakatautaina.

Lua tosi kia Timoteo 1:3

E kau fakafetai ki le Atua, leia na tausi e oku tamana i mua, leia e kau tausi i se atamai mea, e kau manatui tuumau a koe i aku faikole i le po mo le ao ;

Filemo 1:4

E kau fakafetai ki loku Atua, o sua mau aifuai a koe i aku faikole,

Epelo 13:15

Koia ke tou momoli tuumau iate ia se sakilifisio o le fakavikiviki ki le Atua, ko lona uiga le fua o ni laugutu ala e fakafetai ki lona suafa.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !