Loma 1:30 - Tosi Tapu

³⁰ Ko latou ko nea gutu mumusu, mo fatufatu, mo vesia ki le Atua, mo fakamakeke, mo fia sa, mo viki tonu, mo fakatupu veli, mo patigataa ki matua, mo sala atamai,

Loma 1:30 ပူးပေါင်းရင်းမြစ်များ

Uluaki tosi o Sau 20:11

Ti na tali loa le sau o Iselaele : Ke aua na fia nealasi leia kua tui ia se teu tau, ofaipe leia kua tuku ia ki lalo lona teu tau !

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Lua tosi o Koloniko 25:19

E ke pati, na ke taai le kau Etome, ti kua malaga lou loto ki aluga o ke fakakololia kiate koe. Ke ke nofo i le aso nei i lou fenua. Kolea e ke loto ai ki se tau leia ka sikuga veli loa kiate koe mo Suta ?

Pesalemo 10:3

Talie e fakakololia le tagata agaveli i lona manumanu, Ti e lauveli mo gologolo le tagata kaia ki le Eteleno.

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Pesalemo 49:6

Kolea e kau i ai loa i le aso o le malaia, Mo ka takatakai au e le agaveli o oku fili ?

Pesalemo 5:5

Talie e leaise ko se Atua a koe e maua lona fiafia i le veli ; E leaise maua e le tagata agaveli lona nofoaga i ou tafa.

Pesalemo 52:1

Ki le pule o le kau sua. Katiko a Tavite.

Pesalemo 81:15

I se kemo o le mata, e kau fakaluma ia loa olatou fili, E kau fakamaliu loa loku lima kia latou ala e vesia kia latou.

Pesalemo 94:4

E lotou fai ni masau, e lotou masau matasoka ; E nekenekea latou fuli ala e fai ia le veli.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Pesalemo 99:8

Eteleno, lomatou Atua, na ke tali loa latou, Na ke liliu loa kia latou ko se Atua leia e fakamolemole, Kae na ke tautea latou o tupu ko alatou agasala.

Taagapati 24:8

Ko leia e fakakaukau ke fai ia le veli E igoa ko se tagata poto i le kaka.

Taagapati 25:23

E fanaui e le matagi o le potu noleto le ua, Ti e fanaui e le alelo fakaveli ni mata itaita.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Taagapati 8:36

Kae ko leia e agasala kiate au, E fai ia le veli ki lona laumalie ; Ko latou fuli ala e vesia kiate au e alofa ki le mate.

Ekelesiasi 7:29

Ti ko leinei le tasi a nea leia kua kau maua : Na fakatupu e le Atua le tagata i le agatonu, kae kua lotou fakaliliu ia a nea fuli o faigataa.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Esekiele 22:7

Kua tiaki iate koe le tamana mo le tinana, ti kua fai fakamakeke ki leia e matapule iate koe, ti kua fakapopulai le toe sala matua mo le fafine lokonui.

Numelo 10:35

Ka mavae loa le Aleka, na pati loa Moisese : Tuu ki aluga, Eteleno ! ti ke fakamavete ou fili ! ti ke fesolaki i ou mua latou ala e vesia kiate koe !

Mateo 15:4

Talie na pati le Atua : Fakaapaapa ki lou tamana mo lou tinana ; ti : Ko leia loa ka lauveli ki lona tamana pe ki lona tinana e tua loa a ia ki le mate.

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Luka 21:16

E fakatau loa koutou e okoutou matua, mo okoutou fetaina, mo okoutou famili, mo okoutou kaukau nea ; ti e tamate loa se toka api o koutou.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Gaoi 5:36

Talie na leikiaise fualoa na sa mai Teotasi, o pati ko se tagata mauiga a ia, ti na kau loa kiate ia se kau tagata, ko tino lelau e fa : Na tamate loa a ia, ti ko latou fuli ala na muli iate ia na mavetevete loa, o pupuli noa.

Loma 2:17

A koe, leia e ke fakaigoa a koe ko le Sutea, e ke fanaki katoa ki le lao, e ke nekenekea i le Atua,

Loma 2:23

Ko koe, leia e ke nekenekea i lau maua le lao, e ke fakamatagafua le Atua i lau maumaui ia le lao !

Loma 3:27

Kofea loa le tupuaga o le fakakololia ? Kua oki a ia i le too. E le lao fea ? E le lao o gaoi ? Leai, kae kua too a ia e le lao o le tui.

Lua tosi ki le kau Kolinto 10:15

E leaise ma fakakololia i ni gaoi a ni iki ake ala e tuu i tafa oma koiga. Kae e ma maua le amanaki malie, mo kapau e tupu loa o lasi lakoutou tui, ke ma liliu o toe lasi ake ia koutou, i loma faisaga totonu,

Lua tosi ki le kau Kolinto 12:20

Talie e kau i na leaise kau maua koutou, i laku tau atu, ofaipe le nea leia e kau loto ki ai, ti ke kotou maua au ofaipe le nea leia e leaise kotou loto ki ai. E kau tuania na i ai ni fefele, mo ni finenonofo, mo ni masau lalasi, mo ni fefiliaki, mo ni fatufatu, mo ni lauveli, mo ni fia nealasi, ti mo ni maveuveu.

Tetelonome 27:16

Ke malaia le tagata leia e leaise fakaapaapa loa ki lona tamana mo lona tinana ! Ti e pati loa le kakai katoa : Amene !

Tetelonome 7:10

Kae fakatuaa loa e ia latou ala e vesia kiate ia, ti e tamate e ia latou ; e leaise toe fai fakatuvai e ia ki leia e vesia kiate ia : E tuku fakasako e ia kiate ia lona tua.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Lua tosi kia Timoteo 3:2

Talie e alofa loa a tagata kia latou fuai, o kaukau nea mo le paaga, mo fia sa, mo laukau, mo fatituu, mo patigataa ki matua, mo lee fakafetai, mo lee tausi lotu,

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Sakopo 3:5

E toe tatau foki mo le alelo, ko se ga koga tino ikiiki fua a ia, kae e viki a ia ki nea lalasi. Kotou tio ki le vaomatua lasi leia kua tutu e se ga afi ikiiki !

Sakopo 4:16

Kae ko leinei, e kotou fiafia i akoutou manatu fia nealasi. Ko se nea veli le fiafia fenaaki.

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.