Loma 1:25 - Tosi Tapu

²⁵ latou ala kua fetogi ia le maoki o le Atua ki le loi, ti kua atolasio mo tausi ki le nea leia na fakatupu e le Atua, kae tuku le Tupuaga leia e tonu ke lotou fakakololia ki ai o lee gato. Amene !

Loma 1:25 ပူးပေါင်းရင်းမြစ်များ

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Selemia 13:25

Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Apakuki 2:18

Kolea le aoga o se fakatata ta, ke tupu ai lona ta e se tagata tufuga ? Kolea le aoga o le fakatata ukamea saka leia e ako ia le loi, Ke tupu ai le tuku e le tagata lana fanaki kiate ia, Kae ko le maoki e lolotoga fau e ia ni taulaatua gutu mate ?

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Soane 2:8

Na pati loa a ia kia latou : Kotou asu, o ave ki le pule o le kai. Ti na lotou ave loa a ia kiate ia.

Loma 1:18

E fakasa mei le lagi le sausau o le Atua ki agasala fuli mo veli fuli a tagata ala e taofi ia le gaoi a le maoki,

Loma 1:23

ti kua lotou fetogi le kololia o le Atua ki ni paaki o ni tagata agasala, mo ni manu lele, mo ni manu vae fa, ti mo ni manu totolo.

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Lua tosi ki le kau Kolinto 11:31

Ko le Atua, leia ko le Tamana o le Aliki Sesu, leia e manuia o lee gato, e iloa ia e leaise kau loi !

Efeso 3:21

ke tuku kiate ia le kololia i le Ekelesia ia Sesu-Kilisito, i tautupu fuli, i sekulo mo sekulo ! Amene !

Uluaki tosi ki le kau Tesalonika 1:9

Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki,

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Lua tosi kia Timoteo 3:4

mo fakapapau loi, mo loto oso, mo makita i le fia nealasi, mo alofa ki fiafia fakamalama o lasi ake i le Atua ;

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.