Loma 1:22 - Tosi Tapu

²² I lalatou pati e lotou poto, kua lotou liliu o valea ;

Loma 1:22 ပူးပေါင်းရင်းမြစ်များ

Taagapati 25:14

Ofaipe ni ao mo se matagi sala ua, E fenaaki le tagata leia e fakakololia i lana solisoli loi.

Taagapati 26:12

Kapau e ke tio ki se tagata leia e tui e poto, Ti e lasi ake le amanaki malie ki se tagata valea i le tagata lena.

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 47:10

Na ke fanaki ki lou agaveli, Na ke pati : E leaise tio mai se tasi kiate au ! Ko lou poto mo lou atamai na fakasese ia a koe. Ti na ke pati i lou loto : Ko au fai, ti ko au fai toka tasi !

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Mateo 6:23

kae kapau e veli lou fa mata, e fakapouli loa lou tino katoa. Kapau loa ko le malama leia e maua iate koe e fakapouli, e feaki loa le lasi o le fakapouli lena !

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.