Loma 1:20 - Tosi Tapu

²⁰ Koia, kua lotou tio mata ai ki malilie fakapulipuli o le Atua, mo lona mafimafi, mo lona natula fakaatua, talu mei le kamataaga o le malama nei, mo kapau e lotou tio ki ana gaoi. Koia e leaise lotou maua ai se solaaga.

Loma 1:20 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Senesi 21:33

Na to loa e Apalaamo ni tamalisi i Pele-Sepa ; ti na kalagai loa e ia le suafa o le Eteleno, ko le Atua o le lee gato.

Sopo 12:7

Ke ke vesili ki manu, ti e lotou ako atu loa a ia kiate koe, Ke ke vesili ki manu lele o le lagi, ti e lotou fakasa atu loa a ia kiate koe ;

Pesalemo 104:31

Ke tuu le kololia o le Eteleno o lee gato ! Ke fiafia le Eteleno i ana gaoiaga !

Pesalemo 104:5

Na fakatuu e ia le malama nei i ona fakatafito, E leaise taugaoi loa a ia i se aso.

Pesalemo 119:90

E tuu lou agatonu i tautupu ki tautupu ; Na ke fakatafito ia le kele, ti e tuu makeke a ia.

Pesalemo 139:13

Ko koe leia na fau ia oku ifiifi, Leia na fau ia au i le manava o loku tinana.

Pesalemo 8:3

Na ke fakatuu lou kololia I gutu o toe liliki mo latou koi u, O tupu ke luma ai latou ala e fakafesagai kiate koe, Ti ke tapono ai a gutu o le fili mo leia e fia nealasi.

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 40:26

Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Selemia 51:15

Na fakatupu e ia le malama nei i lona mafimafi, Na fakatafito e ia le kele i lona poto, Na folasi e ia le atu lagi i lona atamai.

Mateo 5:45

o tupu ke kotou liliu ko vosa o lokoutou Tamana i selo ; talie e fakasopo e ia lana laa o fakatatau ki le kau agaveli ti mo le kau agamalie, ti e fakato e ia lana ua o fakatatau ki le kau agatonu ti mo le kau agasala.

Maleko 10:6

Kae i le kamataaga o le fakatupu o le malama nei, na fakatupu e le Atua le tagata mo le fafine ;

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 15:22

Kanapau na leaise kau au ti kanapau na leaise kau masau kia latou, na leaise lotou maua loa se agasala ; kae i le lakaga nei e leaise lotou maua fua se nea ke kofu ai lalatou agasala.

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Gaoi 22:1

Tagata ko fetaina mo tamana, kotou fakalogo i le lakaga nei ki le nea leia e kau fia fakasa atu kia koutou, o uiga mo loku puipui !

Loma 1:19

talie kua sa malie kia latou a nea ala e feala ke iloa i le Atua, talie kua fakasa e le Atua kia latou.

Loma 16:26

kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui :

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Loma 2:15

e lotou fakasa kua tosi le gaoi a le lao i olatou loto, ti e fakamaoki foki ki ai olatou loto, o valoki mo fakatonuia latou e alatou manatu.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Tetelonome 33:27

Ko le Atua o le lee gato ko se mumuniaga, Ti e maua i lalo o ona lima lee gato se solaaga. I ou mua na kapu e ia le fili, Ti na pati a ia : ke tamate !

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Kolose 2:9

Talie e nofo fakatino iate ia le apeleaga katoa o le Atua.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !