Loma 1:11 - Tosi Tapu

¹¹ Talie e kau oli mamae ai ke kau tio kia koutou, o tupu ke kau tuku atu kia koutou ni nea alofa fakalaumalie ke kotou loto makeke ai,

Loma 1:11 ပူးပေါင်းရင်းမြစ်များ

Senesi 31:30

Ko leinei, kua ke ano talie kua ke mamae ki le fale o lou tamana, kolea na ke kaia ai oku atua ?

Lua tosi a Samuele 13:39

Na tuku loa e le sau ko Tavite le tuli o Apesalone, talie kua fimalie loa lona loto i le mate o Amone.

Lua tosi a Samuele 23:15

Na maua loa e Tavite se oli, ti na pati loa a ia : Ko ai leia ka fakainu ia loa au ki le vai o le fa tane leia e tuu i le matapa o Peteleemi ?

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Gaoi 16:5

Ti na asilisili makeke a Ekelesia i le tui, ti na lotou toe asilisili api i aso taki tasi.

Gaoi 19:21

I le sili o nea ana, na manatu loa Paulo ke ano ki Selusalemi, o fakalaka atu i Masetonia mo Akaia. Na pati a ia : Ka oki loa laku ano ki ai, e tonu loa ke kau tio i Loma.

Gaoi 19:6

I le teki loa e Paulo ona lima kia latou, na ifo loa le Laumalie Maokioki kia latou, ti na lotou masau loa ki ni masau kesekese, ti na lotou kikite loa.

Loma 1:12

ti ke fakapelepelei ai tatou fakatasi i loto malie o koutou i le tui leia e tou fakatasi ai, koutou mo au.

Loma 15:23

Kae i le temi nei, e leaise nea koi taofi ia au i fenua anei, ti kua fetuu mauke ai mo loku fia natu kia koutou.

Loma 15:29

Ti e kau iloa i laku natu kia koutou, e kau kaku atu loa mo le tapuakina apele a Kilisito.

Loma 15:32

ti ke kau kaku atu loa kia koutou mo ni fiafia, mo kapau ko le finegalo o le Atua, ti ke kau maua loa se malolo i loto malie o koutou.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Lua tosi ki le kau Kolinto 1:15

I le tui lena, na kau loto ke kau natu kia koutou i mua, o tupu ke kotou maua ni kalasia e lua ;

Lua tosi ki le kau Kolinto 1:21

Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua,

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Lua tosi ki le kau Kolinto 9:14

e lotou ulufaki koutou, talie e lotou alofa kia koutou o tupu ko le kalasia mauiga leia kua fai e le Atua kia koutou.

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Filipe 2:26

Talie na manatu lasi a ia kia koutou fuli, ti na mamae lasi ai a ia o tupu ko lakotou iloa lona masaki.

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Uluaki tosi ki le kau Tesalonika 3:2

kae motou kakau atu kia koutou Timoteo, lomatou taina, tagata gaoi a le Atua ki le Evaselio a Kilisito, ke natu o fakamakeke koutou mo fakafimalie koutou i lakotou tui,

Lua tosi ki le kau Tesalonika 2:17

ke fakapelepele ia okoutou loto mo fakamakeke ia koutou i gaoi malilie fuli ti mo masau malilie fuli !

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Petelo 5:12

Kua kau tosi atu kia koutou a ga kupu teiki anei ia Silivano, leia ko se taina agatonu kiate au, ke ekenaki ai koutou ti mo fakasa kia koutou le kalasia maoki leinei o le Atua, leia e kotou pipiki ki ai.

Lua tosi a Petelo 1:12

Ko le tupuaga a ia o laku tokaga o fakamanatu tuumau atu kia koutou a nea ana, logo ai kua kotou iloa latou, ti kua kotou tuu mau i le maoki leia kua kotou tali.