Loma 1:1 - Tosi Tapu

¹ Paulo, tagata fakasausau a Sesu-Kilisito, kua filifili ke apositolo, ti kua vaei kese ki le fakasa o le Evaselio a le Atua -

Loma 1:1 ပူးပေါင်းရင်းမြစ်များ

Uluaki tosi o Koloniko 23:13

Ko vosa o Amilame : ko Alone, mo Moisese. Na vaei loa Alone, o tupu ke fakatapui a ia ke maokioki lasi, a ia mo ona vosa, i tautupu fuli, ke lotou momoli a nea fakamanogi i mua o le Eteleno, ke lotou fai le tausi kiate ia, ti ke lotou tapuaki ki le kakai i le suafa o le Eteleno.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Selemia 1:5

Na kau iloa a koe i mua o laku fakatupu a koe i le manava o lou tinana, ti na kau fakatapui a koe, ti na kau fakanofo a koe ko le polofeta o atu puleaga i mua o lau mavae i lona manava.

Maleko 1:14

I le oki o le fakaulu o Soane ki le fale pilisoni, na ano loa Sesu ki Kalilea, o fakasa le Evaselio o le Atua.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 15:15

E leaise kau toe fakaigoa koutou ko tagata fakasausau, talie e leaise iloa e le tagata fakasausau le nea leia e fai e lona pule ; kae kua kau fakaigoa koutou ko kaukaunea, talie kua kau fakasa kia koutou a nea fuli ala kua kau ako mei loku Tamana.

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Gaoi 13:9

Koia na apele ai loa Saulo, leia foki ko Paulo, i le Laumalie Maokioki, ti na tio fakamaumau loa a ia kiate ia, o pati :

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Gaoi 21:40

I le fakataga ake loa e le pule lasi kiate ia ke masau, na tuu loa Paulo i le kakega, o siki lona lima ki le kakai. Na fakalologo fuli loa le kakai, ti na masau loa Paulo i le fakaepeleo, o pati :

Gaoi 22:21

Ti na pati mai loa le Aliki kiate au : Ano, e kau kakau loa a koe ki mamao ki atu puleaga…

Gaoi 22:7

Ti na kau teka loa ki le kele, ti na kau logo loa ki se leo leia na pati : Saulo, Saulo, kolea e ke fakavelivelii ai au ?

Gaoi 26:1

Ti na pati loa Akilipa kia Paulo : Kua taga lau masau o uiga mo koe. Ti na siki loa e Paulo lona lima, o pati :

Gaoi 26:14

Ti na motou fetekai fuli loa ki le kele, ti na kau logo loa ki se leo leia na pati mai kiate au i le fakaepeleo : Saulo, Saulo, kolea e ke fakavelivelii ai au ? E faigataa loa kiate koe ke akasi ia a ukamea kakai o lou pule.

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Gaoi 9:15

Kae na pati loa le Aliki kiate ia : Ano, talie ko le tagata lena ko se nea gaoi kua kau filifili, ke ave ia loku suafa ki mua o puleaga, mo mua o sau, ti mo mua o vosa o Iselaele ;

Loma 1:16

Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 11:13

E kau fakasa atu kia koutou, kau pagani : i loku uiga ko le apositolo o le kau pagani, e kau fakafiafia i laku gaoi fakaapositolo :

Loma 15:16

ke kau liliu ko le tagata gaoi a Sesu-Kilisito ki le kau pagani ; e kau fai le gaoi taputapu o le Evaselio a le Atua, o tupu ke soko le kau pagani ko se moliga malie kiate ia, leia kua fakamaokioki e le Laumalie Maokioki.

Loma 15:29

Ti e kau iloa i laku natu kia koutou, e kau kaku atu loa mo le tapuakina apele a Kilisito.

Loma 16:18

Talie e leaise fakasausau a faasiga tagata ana kia Kilisito lotatou Aliki, kae e lotou fakasausau ki olotou manava totonu ; ti i ni masau malulu mo fakalapulapu, e lotou fakasese a loto o latou ala e faigaofie.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Uluaki tosi ki le kau Kolinto 1:1

Ko au Paulo, leia na kalagai ke liliu ko le apositolo a Sesu-Kilisito i le finegalo o le Atua, mo le taina ko Sositene,

Uluaki tosi ki le kau Kolinto 9:1

Pe leaise kau lauatea ? Pe leaise ko se apositolo au ? Pe na leaise kau tio kia Sesu lotatou Aliki ? Pe leaise ko laku gaoiaga koutou i le Aliki ?

Lua tosi ki le kau Kolinto 1:1

Ko au Paulo, apositolo a Sesu-Kilisito i le finegalo o le Atua, mo le taina ko Timoteo, ki le Ekelesia o le Atua i Kolinito, ti mo le kau sagato fuli i le Akaia katoa ;

Lua tosi ki le kau Kolinto 11:5

Ka e kau fuafua atu e au e leaise kau taulalo ake i se nea i apositolo lalasi ana.

Lua tosi ki le kau Kolinto 11:7

Pe na kau fai ia se agasala i laku fakataulalo a au totonu, o tupu ke siki ake koutou ki aluga, i laku fakasa atu le Evaselio a le Atua kia koutou, kae na leaise totogi au ?

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 2:12

Koia i laku kaku atu ki Toloasi ke fakasa ai le Evaselio a Kilisito, o logo ai na fakamavaa e le Aliki se matapa kiate au i ai, kae na leaise kau maua ia se malolo i loku loto, talie na leaise kau maua ia a Tito, loku taina ;

Lua tosi ki le kau Kolinto 4:5

E leaise ma akonaki kia maua totonu ; ko le Aliki ko Sesu-Kilisito leia e ma akonaki ki ai, ti e ma pati ko akoutou tagata fakasausau maua o tupu ko Sesu.

Kalate 1:1

Ko au Paulo, ko le apositolo, leai mei tagata, pe i se tagata, kae meia Sesu-Kilisito ti mo le Atua le Tamana, leia na fakatuuake ia a ia mei le kau mate,

Efeso 1:1

Ko au Paulo, apositolo a Sesu-Kilisito i le finegalo o le Atua, ki le kau sagato i Efeso ti mo le kau agatonu ia Sesu-Kilisito :

Efeso 1:13

Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Filipe 1:1

Paulo mo Timoteo, ko tagata fakasausau a Sesu-Kilisito, ki le kau sagato fuli ia Sesu-Kilisito ala i Filipe, ki le kau epikopo, ti mo le kau tiakono :

Filipe 2:11

ti ke fakasa e alelo fuli ko Sesu-Kilisito ko le Aliki, ki le kololia o le Atua ko le Tamana.

Kolose 1:1

Ko au Paulo, ko le apositolo a Sesu-Kilisito i le finegalo o le Atua, ti mo le taina ko Timoteo,

Kolose 1:25

Ti kua fakanofo au ko le tagata gaoi o le Ekelesia lena, o mulimuli ki le kavega leia kua tuku mai e le Atua kiate au, o tupu ko koutou, o tupu ke kau fakasa le folafola katoa a le Atua,

Uluaki tosi ki le kau Tesalonika 2:2

I le oki o lamatou tali a mamae ti mo lauveli i Filipe, ofaipe le nea leia kua kotou iloa, na toe fakamakeke o motou loto e le Atua ke motou fakasa kia koutou le Evaselio o le Atua, i loto malie o ni tau lasi ai.

Uluaki tosi ki le kau Tesalonika 2:8

Koia na motou loto ai, i le lasi o lomatou alofa kia koutou, ke soli atu kia koutou o leaise gato fua i le Evaselio o le Atua, kae mo omatou mauli totonu foki, i le lasi o lomatou alofa kia koutou.

Uluaki tosi ki le kau Tesalonika 2:9

Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Tito 1:1

Ko au Paulo, tagata fakasausau a le Atua, ti ko le apositolo a Sesu-Kilisito ki le tui a le kau filifiliia a le Atua, ti mo le iloa o le maoki leia e mulimuli ki le aga fakaatua,

Epelo 5:4

E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Sakopo 1:1

Ko au Sakopo, ko le tagata fakasausau a le Atua ti mo le Aliki ko Sesu-Kilisito, ki faasiga e kau agafulu tupu lua ala e mavetevete mamao, alofa atu !

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Suta 1:1

Suta, ko le tagata fakasausau a Sesu-Kilisito, ti ko le taina o Sakopo, kia latou ala kua kalagai, ala kua alofaina i le Atua ko le Tamana, ti kua taupau kia Sesu-Kilisito :

Apokalipisi 1:1

Fakasa o Sesu-Kilisito, leia na tuku e le Atua kiate ia ke fakailo ki ana tagata fakasausau a nea ala e tonu ke soko vave, ti na fakailo e ia, i le kakau o lana aselo, ki lana tagata fakasausau ko Soane ;

Apokalipisi 22:6

Ti na pati mai loa a ia kiate au : E totonu mo maoki a folafola anei ; ti kua kakau mai e le Aliki, le Atua o laumalie o le kau polofeta, lana aselo ke fakasa ki ana tagata fakasausau a nea ala e tonu ke soko vave.

Apokalipisi 22:9

Kae na pati mai loa a ia kiate au : Aua na fai le nea a ia ! Ko se tagata fakasausau au ofaipe koe, mo ou fetaina ko le kau polofeta, ti mo latou fuli ala e tausi ia a folafola o le tosi leinei. Atolasio ki le Atua.