Levitiko 9:9 - Tosi Tapu

⁹ Ti na avake loa e vosa o Alone kiate ia le toto o le manu, ti na tooi loa e ia lona maikao ki le toto, ti na pooi loa e ia le toto ki tala o le aletale, ti na liligi loa e ia le toto ki le vae o le aletale.

Levitiko 9:9 ပူးပေါင်းရင်းမြစ်များ

Esekiele 43:15

Na meta lua le aletale ; ti na tuu ona tala e fa i ona tifi e fa.

Esekiele 43:20

E ke too loa lona toto, ti e ke takai loa ki ai a tala e fa o le aletale, mo ona tifi e fa, mo lona tapa fakatali i le takatakai katoa. E ke fakamea loa i ai le aletale ti e ke fakatapu loa a ia.

Levitiko 16:18

I lana mavae mei ai, e ano loa a ia ki le aletale leia e tuu i mua o le Eteleno, ti e fai loa e ia le fakamalie ki le aletale ; e too loa e ia se toto o le pipi tagata mo le koti tagata, ti e pooi loa e ia ki ai a tala o le aletale i le takatakai katoa.

Levitiko 4:25

E tooi loa e le tagata faisakilifisio lona maikao ki le toto o le vikitima leia na momoli ki le agasala, ti e pooi loa e ia ki le toto a tala o le aletale o failaulau, ti e liligi loa e ia le toto katoa ki le vae o le aletale o failaulau.

Levitiko 4:30

E tooi loa e le tagata faisakilifisio lona maikao ki le toto o le vikitima, ti e pooi loa e ia ki le toto a tala o le aletale o failaulau, ti e liligi loa e ia le toto katoa ki le vae o le aletale.

Levitiko 8:15

Ti na tamate loa e Moisese le pipi tagata, ti na too loa e ia le toto, o pooi ki ai a tala o le aletale ki lona maikao, ke fakamea ai a ia ; ti na liligi loa e ia le toe o le toto ki le vae o le aletale. Ko lena le nea leia na fai loa e ia ke fakatapui ai le aletale, o tupu ke feala ai lona fakaaoga ki le fai o sakilifisio fakamolemole o agasala.

Levitiko 9:10

Ti na tutu loa e ia i aluga o le aletale le gako, mo ifiifi, mo le laui ate maokioki lasi o le vikitima, o mulimuli ki le fakatotonu a le Eteleno kia Moisese.

Levitiko 9:12

Ti na tamate loa e ia le vikitima ki le failaulau. Na avake loa e vosa o Alone kiate ia le toto, ti na liligi loa e ia a ia i le takatakai katoa o le aletale.

Levitiko 9:18

Ti na tamate loa e ia le pipi tagata mo le ovi tagata ki le sakilifisio o le komunio ki le kakai. Ti na avake loa e vosa o Alone le toto kiate ia, ti na liligi loa e ia a ia i le takatakai katoa o le aletale.

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.