Levitiko 9:6 - Tosi Tapu

⁶ Na pati loa Moisese : ko leinei le nea leia na fakatotonu e le Eteleno ke kotou fai ; ti e sa loa le kololia o le Eteleno kia koutou.

Levitiko 9:6 ပူးပေါင်းရင်းမြစ်များ

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 24:16

Na ifo loa le kololia o le Eteleno ki le mauga o Sinai, ti na uufi loa e le ao a ia i aso e ono. I le fitu o aso, na kalaga loa le Eteleno kia Moisese mei le ao.

Ekesote 29:43

E kau felavei loa i ai mo fanau a Iselaele, ti e maokioki loa le ganea lena o tupu ko loku kololia.

Esekiele 43:2

Ti ko leinei, na au le kololia o le Atua o Iselaele i le potu esite. Na tatau lona leo mo le gugulu o vai lalasi, ti na gigila le malama nei i lona kololia.

Levitiko 9:23

Ti na ulu loa Moisese mo Alone ki le falela tapu. I lala mavae loa mei ai, na la tapuaki loa ki le kakai. Ti na sa loa le kololia o le Eteleno ki le kakai katoa.

Levitiko 9:5

Ti na latou ave loa ki mua o le falela tapu le nea leia na fakatotonu e Moisese ; ti na fakafeofi ake loa le kakai katoa, o tuu i mua o le Eteleno.