Levitiko 9:23 - Tosi Tapu

²³ Ti na ulu loa Moisese mo Alone ki le falela tapu. I lala mavae loa mei ai, na la tapuaki loa ki le kakai. Ti na sa loa le kololia o le Eteleno ki le kakai katoa.

Levitiko 9:23 ပူးပေါင်းရင်းမြစ်များ

Lua tosi o Koloniko 7:1

I le oki o le faikole a Salomone, na ifo loa le afi mei lagi o tutu le failaulau mo sakilifisio, ti na fakaapele loa le fale katoa e le kololia o le Eteleno.

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 39:43

Na tioi loa e Moisese a gaoi fuli ; ti ko leinei, kua lotou fai a nea fuli o mulimuli totonu ki nea ala na fakatotonu e le Eteleno, na lotou fai fenaaki loa. Ti na tapuaki loa Moisese kia latou.

Levitiko 9:4

ti mo se pipi tagata mo se ovi tagata ki le sakilifisio o le komunio, ti ke momoli loa latou i mua o le Eteleno.

Levitiko 9:6

Na pati loa Moisese : ko leinei le nea leia na fakatotonu e le Eteleno ke kotou fai ; ti e sa loa le kololia o le Eteleno kia koutou.

Numelo 14:10

Na masau loa le kakai katoa ke tuki fatui laua ke mate, kae fokifa kua sa le kololia o le Eteleno i aluga o le falela tapu, i mua o fanau fuli o Iselaele.

Numelo 16:19

Ti na fakatasii ake loa e Kole le fakatasi katoa kia Moisese mo Alone, i le uluaga o le falela tapu. Ti na sa loa le kololia o le Eteleno ki le fakatasi katoa.

Numelo 16:42

Na lolotoga tanaki ake loa le fakatasi katoa kia Moisese mo Alone, ti na lotou maliu loa o agaaga ki le fetuu o le falela tapu, ti na lotou tio loa kua kofu katoa a ia e le ao, ti na sa loa le kololia o le Eteleno.