Levitiko 9:1 - Tosi Tapu

¹ I le valu o aso, na kalagai loa e Moisese a Alone mo ona vosa, ti mo le kau fakamatuatua o Iselaele.

Levitiko 9:1 ပူးပေါင်းရင်းမြစ်များ

Levitiko 14:10

I le valu o aso, e too loa e le tagata lena ni akeno lee mele e lua, mo se ovi fafine fetuu tasi mo lee mele, ti mo se moliga nea kai ko kilo falina e iva ala kua lusi ki le lolo ti mo se vaeluai liti lolo.

Levitiko 14:23

I le valu o aso, e ave loa e ia a moliga ana ki le tagata faisakilifisio, i le matapa o le falela tapu, i mua o le Eteleno, ki le tootooga o le fakamea.

Levitiko 15:14

I le valu o aso, e too loa e ia ni kulukulu e lua pe ko ni lupe e lua, ti e ano loa a ia o tuku laua ki le tagata faisakilifisio, i mua o le Eteleno, i le uluaga o le falela tapu.

Levitiko 15:29

I le valu o aso, e too loa e ia ni kulukulu e lua pe ko ni lupe e lua, ti e ave loa e ia laua ki le tagata faisakilifisio, i le uluaga o le falela tapu.

Levitiko 8:33

I aso e fitu e leaise kotou mavae loa mei le uluaga o le falela tapu, o kaku ki le oki o aso o lokoutou fakanofo ; talie e fai loa lokoutou fakanofo i aso e fitu.

Levitiko 8:36

Na fai loa e Alone mo ona vosa a nea fuli ala na fakatotonu e le Eteleno kia latou ia Moisese.

Numelo 6:10

I le valu o aso, e ave loa e ia ni kulukulu e lua pe ko ni lupe e lua ki le tagata faisakilifisio, i mua o le uluaga o le falela tapu.

Mateo 28:1

I le oki o le sapato, i le mafoata o le uluaki aso o le vasaa, na ano loa Malia mei Maketala, mo leia ake Malia, o tio ki le tanuma.