Levitiko 8:36 - Tosi Tapu

³⁶ Na fai loa e Alone mo ona vosa a nea fuli ala na fakatotonu e le Eteleno kia latou ia Moisese.

Levitiko 8:36 ပူးပေါင်းရင်းမြစ်များ

Ekesote 39:43

Na tioi loa e Moisese a gaoi fuli ; ti ko leinei, kua lotou fai a nea fuli o mulimuli totonu ki nea ala na fakatotonu e le Eteleno, na lotou fai fenaaki loa. Ti na tapuaki loa Moisese kia latou.

Ekesote 40:16

Na fai loa e Moisese a nea fuli ala na fakatotonu ake e le Eteleno kiate ia, ti na fai loa a ia ki ai.

Levitiko 8:35

Ti e tonu ke kotou nonofo loa i le uluaga o le falela tapu i le aso mo le pouli, i le vasaa katoa leinei, o fai le gaoi leia kua tuku atu e le Eteleno kia koutou, ti e leaise kotou mamate ai loa. Ko le nea lena na fakatotonu mai e le Eteleno kiate au.

Levitiko 8:9

Ti na teki loa e ia le tiale ki lona fa ulu, ti na fakapipiki loa e ia ki ai le fakamailoga tapu, le pala aulo, ki mua o le tiale, o mulimuli ki le fakatotonu a le Eteleno.

Levitiko 9:1

I le valu o aso, na kalagai loa e Moisese a Alone mo ona vosa, ti mo le kau fakamatuatua o Iselaele.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.