Levitiko 8:35 - Tosi Tapu

³⁵ Ti e tonu ke kotou nonofo loa i le uluaga o le falela tapu i le aso mo le pouli, i le vasaa katoa leinei, o fai le gaoi leia kua tuku atu e le Eteleno kia koutou, ti e leaise kotou mamate ai loa. Ko le nea lena na fakatotonu mai e le Eteleno kiate au.

Levitiko 8:35 ပူးပေါင်းရင်းမြစ်များ

Uluaki tosi o Sau 2:3

Tausi a fakatotonu a le Eteleno, lou Atua, o ke saele i ona ala, ti mo taupau ana lao, mo ana fakatotonu, mo ana fakamaau, ti mo ana pelesepeto, o mulimuli ki le nea leia e tuu i le lao a Moisese, o tupu ke ke manuia i nea fuli ala e ke fai loa, ti mo ganea fuli ala e ke maliu loa ki ai,

Ekesote 29:35

E ke fai loa kia Alone mo ona vosa o mulimuli ki fakatotonu fuli ala na kau tuku atu kiate koe. E ke fai loa i aso e fitu lolatou fakatapu.

Esekiele 43:25

I le lolotoga o ni aso e fitu, e ke momoli loa i aso taki tasi se koti tagata ko se vikitima ki agasala. E toe momoli loa se pipi tagata muli mo se ovi tagata i le kau manu, ti e tonu ke lee mele a manu ana.

Esekiele 48:11

E maua loa le vaega lena e tagata faisakilifisio ala kua fakatapui, vosa o Satoke ala na fai ia le tausi i loku fale tapu, ala na leaise sese i le temi leia na sese ai fanau o Iselaele, ofaipe le sese o le kau levita.

Levitiko 10:1

Ko vosa o Alone, ko Natape mo Apiu, na too ia loa ala ipu tanaki malala, o la tuku loa ki ai ni malala kaka, ti na la liligi loa i aluga se kaloni fakamanogi. Ti na la ave loa ki le Eteleno se afi kese, kae na leaise fakatotonu le nea lena kia laua e le Eteleno.

Levitiko 14:8

E fo loa e le tagata lena ona kofu, ti e tele loa e ia ona fulufulu fuli, ti e maanu loa a ia ke mea. Ti o feala loa ke ulu a ia ki le nofolaga, kae e nofo loa a ia i fafo o lona falela i ni aso e fitu.

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Levitiko 8:34

Ko le Eteleno totonu leia na fakatotonu ia ke fai feneeki le tootooga leinei i aso anei, o tupu ke fakamolemole ai akoutou agasala.

Levitiko 8:36

Na fai loa e Alone mo ona vosa a nea fuli ala na fakatotonu e le Eteleno kia latou ia Moisese.

Numelo 19:12

I le tolu o aso mo le fitu o aso, e fakamea loa a ia ki le vai lena, ti e mea loa a ia ; kae, kapau e leaise fakamea loa a ia i le tolu o aso mo le fitu o aso, e leaise mea loa a ia.

Numelo 3:7

E lotou fai loa lalatou gaoi i mua o le falela tapu o fakasausau kia Alone mo le kakai katoa o Iselaele, ti e lotou fai loa a gaoi fuli ki le falela tapu.

Numelo 9:19

Kapau na nofo le ao i aluga o le falela tapu o fualoa, na fakalogo loa fanau a Iselaele ki le Eteleno, o leaise lotou fanoga loa.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Uluaki tosi kia Timoteo 1:18

Ko le fakatotonu leia e kau fai atu kiate koe Timoteo, ko laku fanau, o mulimuli ki folafola kikite ala na fai kiate koe i mua, ala na fakasa ia, ke ke tau le tau malie,

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,

Uluaki tosi kia Timoteo 6:17

Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.

Uluaki tosi kia Timoteo 6:20

Ei Timoteo, taupau le koloa lena, o sola mei masau noa mo fakamalama, ti mo fefele o le poto loi,

Lua tosi kia Timoteo 4:1

Koia e kau fakatotonu atu ai kiate koe i mua o le Atua, ti mo mua o Sesu-Kilisito, leia e tonu ke fakamaaui ia le kau mauli mo le kau mate, ti e kau kole atu a ia i le igoa o lana toe liliu mai mo lona puleaga,

Epelo 7:28

Talie e fakanofo e le lao ke pule fai sakilifisio ni tagata gaegaeia ; kae ko le folafola o le sai, leia na fai i muli o le lao, na fakanofo ia le Alo leia e malie tukupau o lee gato.