Levitiko 8:31 - Tosi Tapu

³¹ Ti na pati loa Moisese kia Alone mo ona vosa : kotou fakamoso le kanomate o le lua ovi tagata i le uluaga o le falela tapu, talie ko lena le ganea leia e tonu loa ke kotou kai ai a ia, mo le pane leia na tuku i le kete leia na teuteui ki le fakanofo, o mulimuli ki le nea leia na kau fakatotonu atu kia koutou, o pati : e kai loa a ia e Alone mo ona vosa.

Levitiko 8:31 ပူးပေါင်းရင်းမြစ်များ

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Levitiko 7:15

E kai loa le kanofi o le sakilifisio fakafetai i le aso leia na momoli ai a ia, e leaise tuku loa se nea ke kaku ki le usu.

Soane 6:33

talie ko le pane o le Atua ko leia e ifo mei lagi o soli le mauli ki le malama nei.

Soane 6:35

Na pati loa Sesu kia latou : Ko au ko le pane o le mauli. Ko leia e au kiate au e leaise toe fia kai loa a ia, ti ko leia e tui kiate au e leaise toe fia inu loa a ia.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.