Levitiko 8:25 - Tosi Tapu

²⁵ Ti na too loa e ia le gako, mo le siku, mo le gako fuli leia na kofu ia a tootooga, ti mo le laui ate maokioki lasi, mo ifiifi e lua, o fakatasi mo le gako leia na pipiki i ai, ti mo le alaga mua atamai.

Levitiko 8:25 ပူးပေါင်းရင်းမြစ်များ

Ekesote 12:9

E leaise kotou kai mata loa le kanofi, pe saka loa a ia i le vai, kae e kotou tunu loa a ia i le afi, o fakatasi mo le ulu, mo vae, ti mo tootooga.

Ekesote 29:13

E ke too loa le gako loto o tootooga, mo le magai ate lasi, mo fa ifiifi e lua, ti mo le gako leia e kofu ia a ifiifi, ti e ke tutu loa a nea fuli ana i le aletale.

Taagapati 23:26

Ei loku vosa, soli mai lou loto, Ti ke fiafia ou mata i oku ala.

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Levitiko 3:9

I le sakilifisio fakafetai lena e momoli loa e ia se sakilifisio tutu e le afi i mua o le Eteleno : le gako, mo le siku katoa, leia e tuuti loa e ia i le sokoga mo le ivi o le tua, mo le gako katoa leia e kofu ia tootooga,

Levitiko 8:24

Ti na fakafeofi ake loa kiate ia a vosa o Alone, ti na pooi loa e Moisese ki le toto a taliga atamai, mo maikao matua o lima atamai, mo maikao matua o vae atamai, ti na liligi loa e Moisese le toe o le toto i le takatakai katoa o le aletale.

Levitiko 8:26

Ti na too loa e ia le kete pane sala fakatupu, leia na tuku i mua o le Eteleno, mo se fa keke sala fakatupu, mo se fa keke loloi, mo se fa pane maninifi, ti na teki loa e ia a nea ana ki aluga o le gako mo le alaga mua atamai.