Levitiko 8:23 - Tosi Tapu

²³ Ti na tamate loa e Moisese le ovi tagata, ti na too loa e ia le toto, o pooi ki ai le taliga atamai o Alone, mo le maikao matua o le lima atamai, mo le maikao matua o le vae atamai.

Levitiko 8:23 ပူးပေါင်းရင်းမြစ်များ

Ekesote 29:20

E ke tamate loa le ovi tagata ; ti e ke too loa se toto i lona toto, ti e ke takai loa ki ai le potu aluga o le taliga atamai o Alone mo taliga o ona vosa, ti e ke takai loa ki le toto a maikao matua o olatou lima atamai mo le maikao matua o olatou vae atamai, ti e ke liligi loa le toe o le toto ki aluga o le aletale i le tafatafa katoa.

Ekesote 29:21

E ke too loa se toto i le toto leia e tuku i aluga o le aletale ti mo se lolo tapu, ti e ke afusi loa ki ai Alone mo ona kofu, ti mo ona vosa mo olatou kofu. E ke fakatapui loa i ai Alone mo ona kofu, ti mo ona vosa mo olatou kofu.

Levitiko 14:14

E too loa e le tagata faisakilifisio se toto o le vikitima o le fakamalie ; ti e pooi loa e ia ki ai le taliga atamai o le tagata leia e fakamea, mo le maikao matua o lona lima atamai mo lona vae atamai.

Levitiko 14:17

Ti e pani loa e ia ki le lolo leia na toe i lona lima le taliga atamai o le tagata lena, mo le maikao matua o lona lima atamai ti mo lona vae atamai, i le ganea leia na pooi ai le toto o le akeno.

Levitiko 14:25

E tamate loa e ia le manu, ti e too loa e ia se toto i le toto o le manu, o pooi ki ai le taliga atamai o le tagata lena, mo le maikao matua o lona lima atamai, mo lona vae atamai.

Levitiko 14:28

Ti e toe pooi loa e ia ki le lolo le taliga atamai o le tagata lena, mo le maikao matua o lona lima atamai, mo lona vae atamai, i le ganea leia na pooi i mua ki le toto o le akeno.

Levitiko 7:37

Ko le lao lena ki sakilifisio tutu, mo sakilifisio nea kai, mo sakilifisio fakamolemole, mo sakilifisio fakamalie, mo sakilifisio o le fakanofo, ti mo sakilifisio o le komunio.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Uluaki tosi ki le kau Kolinto 1:2

ki le Ekelesia o le Atua i Kolinito, kia latou ala kua vaei kese ia Sesu-Kilisito, ti kua kalagai ke maokioki, ti mo latou fuli ala e too ia i potu kesekese le suafa o lotatou Aliki ko Sesu-Kilisito, ko lolatou Aliki ti ko loma Aliki foki.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Filipe 1:20

o mulimuli ki loku oli makeke ti mo laku amanaki malie, e leaise kau luma loa i se nea fua, kae i le temi nei ofaipe temi fuli ai, e fakakololia loa Kilisito i loku tino, pe kau mauli, pe kau mate ;

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Uluaki tosi ki le kau Tesalonika 5:22

kotou fakamamao mei nea fuli e veli.

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.

Epelo 5:8

Talie na logo ai ko le Alo a ia, kae na ako e ia le fakalogo i nea ala na mamae ai a ia ;