Levitiko 8:17 - Tosi Tapu

¹⁷ Na tutu loa e ia le toe o le manu, mo lona kili, mo lona tino, ti mo ona faikauga, i le afi i fafo o le nofolaga, o mulimuli ki le fakatotonu leia na tuku e le Eteleno kia Moisese.

Levitiko 8:17 ပူးပေါင်းရင်းမြစ်များ

Ekesote 29:14

Kae e ke tutu loa i le afi, i le fafo o le nofolaga, le tino o le pipi, mo lona kili, ti mo ona vava : ko se sakilifisio lena ki le agasala.

Esekiele 43:21

E ke too loa le pipi tagata o le sakilifisio ki le agasala, ti e tutu loa a ia i se ganea leia kua teuteu ki ai i fafo o le fale tapu.

Levitiko 16:27

E ave loa ki fafo o le nofolaga le pipi tagata o le fakamalie mo le koti tagata o le fakamalie, ala kua ave ola toto ki le sagatualio ke fai ai le fakamalie, ti e tutu loa e le afi ola kili, mo ola tino, ti mo ola faikauga.

Levitiko 4:21

E ave loa e le tagata faisakilifisio le pipi tagata ki fafo o le nofolaga, o tutu a ia i ai ofaipe lana tutu le uluaki pipi tagata. Ko le sakilifisio a ia ki le agasala o le kakai.

Levitiko 9:11

Kae na tutu loa e ia i le afi i fafo o le nofolaga le toe o le kanofi ti mo le kili.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -