Levitiko 8:11 - Tosi Tapu

¹¹ Ti na afusi loa e ia o tua fitu le lolo ki le aletale, mo ona nea gaoi fuli, mo le tanoa fakamea mo lona tuuaga, ke fakatapui ai latou.

Levitiko 8:11 ပူးပေါင်းရင်းမြစ်များ

Ekesote 16:14

I le puli o le sasau, na sa loa i aluga o le toafa se nea maninifi ofaipe ni fuai fulumeto, se nea maninifi tea ofaipe le nive i aluga o le kele.

Ekesote 16:19

Na pati loa Moisese kia latou : Ke aua na tuku loa e se tagata se nea ke kaku ki le usu.

Ekesote 29:36

E ke momoli loa i aso taki tasi se pipi tagata ki le sakilifisio fakamolemole o agasala ; e ke fakamea loa le aletale ki le sakilifisio lena, ti e ke pani lolo loa a ia ke fakatapui.

Ekesote 29:37

E ke fai loa le tootooga lena i aso ana e fitu ; e liliu loa le aletale o maokioki, ti e maokioki loa a nea fuli e lave loa ki ai.

Ekesote 30:29

E ke fakatapui loa a nea fuli ana, ti e lotou liliu loa o maokioki, ti ko nea fuli ala e lave loa ki ai e maokioki loa.

Ekesote 4:17

Too i lou lima le tokotoko lena, leia e ke fai loa ki ai a fakamailoga.

Ekesote 4:6

Na toe pati loa le Eteleno kiate ia : Teki lou lima ki lou fatafata. Ti na teki loa e ia lona lima ki lona fatafata ; ti na too ake loa e ia lona lima, ti ko leinei, kua kilia katoa lona lima, ti kua tea a ia ofaipe le nive.

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Levitiko 14:16

Ti e tooi loa e ia ki ai lona maikao tusi, ti e fai loa e ia ni afusi e fitu i mua o le Eteleno.

Levitiko 4:17

E tooi loa e le tagata faisakilifisio lona maikao ki le toto, ti e afusi loa e ia le toto o tua fitu ki le fetuu o le lito tapu leia e sa mai ki tafa, i mua o le Eteleno.

Levitiko 4:6

E tooi loa e ia lona maikao ki le toto, ti e afusi loa e ia a ia o tua fitu ki le fetuu o le lito tapu leia e sa mai ki tafa, i mua o le Eteleno.

Tito 3:6

Na liligi e ia a ia kia tatou o lasi ai ia Sesu-Kilisito, ko lotatou Fakamauli,