Levitiko 7:5 - Tosi Tapu

⁵ E tutu loa e le tagata faisakilifisio a nea ana i aluga o le aletale ofaipe se sakilifisio tutu i mua o le Eteleno. Ko se sakilifisio a ia ki le agasala.

Levitiko 7:5 ပူးပေါင်းရင်းမြစ်များ

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Levitiko 2:16

E tutu loa e le tagata faisakilifisio se potu o fui fulumeto leia kua tuki fakamaluu, mo le lolo, ti mo le iseso katoa. Ko se moliga a ia kua tutu e le afi i mua o le Eteleno.

Levitiko 2:2

E ave loa e ia le moliga ki le kau faisakilifisio, vosa o Alone ; ti e too loa e ia ki lona lima se ga lukuga i le falina lena, leia kua fakasusu ki le lolo, mo le iseso katoa, ti e tutu loa e le tagata faisakilifisio a nea fuli ana i aluga o le aletale ofaipe se fakamanatu. Ko se moliga tutu a ia e le afi, ti ko se nea manogi malie a ia ki le Eteleno.

Levitiko 2:9

E too loa e le tagata faisakilifisio i ai le nea leia e tonu ke momoli ki le fakamanatu, kae tutu loa e ia a ia i aluga o le aletale. Ko se moliga a ia kua tutu e le afi, ti ko se nea manogi malie a ia ki le Eteleno.

Levitiko 3:16

E tutu loa e le tagata faisakilifisio a nea fuli ana i aluga o le aletale. Ko se nea kai tutu a ia e le afi ti e manogi a ia ki le Eteleno. E maua e le Eteleno a gako fuli.

Levitiko 3:3

I le sakilifisio fakafetai lena, e momoli loa e ia ki le Eteleno se sakilifisio tutu e le afi : le gako loto katoa leia e kofu ia tootooga,

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Levitiko 7:4

mo ifiifi e lua, mo le gako leia e kofu ia laua, mo le gako leia e pipiki i vakavaka, ti mo le magai ate maokioki lasi leia e tatala loa o ofi ki ifiifi.

Levitiko 7:6

E kai loa ki ai a tagata fuli i le kau faisakilifisio ; kae tonu ke kai loa a ia i se ganea tapu ; talie ko se nea maokioki lasi a ia.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 5:24

Ko latou ala e nonofo ia Sesu-Kilisito, kua lotou tutuki ki le koluse le kanofi mo ona alofa ti mo ona oli.