Levitiko 7:35 - Tosi Tapu

³⁵ Ko le vaega lena o le fakanofo o Alone, mo le fakanofo o ona vosa, i failaulau tutu ki le Eteleno.

Levitiko 7:35 ပူးပေါင်းရင်းမြစ်များ

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 29:1

Ko leinei le nea leia e ke fai loa ke fakatapui ai latou, o tupu ke lotou gaoi kiate au i le gaoi fakapelepitelo. Too se pipi tagata muli mo ni ovi tagata e lua lee mele.

Ekesote 29:21

E ke too loa se toto i le toto leia e tuku i aluga o le aletale ti mo se lolo tapu, ti e ke afusi loa ki ai Alone mo ona kofu, ti mo ona vosa mo olatou kofu. E ke fakatapui loa i ai Alone mo ona kofu, ti mo ona vosa mo olatou kofu.

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Esaia 10:27

I le aso lena, e too loa e ia lana amoga i lou tuauma, Ti mo lana laakau taki i lou ua Ti e maumaui loa e ia le laakau taki i lou ua.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Lua tosi ki le kau Kolinto 1:21

Ti ko leia e fakatuumakeke ia maua o fakatasi mo kotou ia Kilisito, ti na pani lolo ia tatou, ko le Atua,

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Uluaki tosi a Samuele 2:28

Na kau filifili a ia i faasiga fuli o Iselaele, ke tausi kiate au i le tuulaga fakapelepitelo, ke pale ki loku aletale, ke tutu ia le kaloni, ke tui ia le efote i oku mua ; ti na kau soli ki le fale o lou tamana a sakilifisio fuli kua tutu e le afi ti kua momoli e fanau a Iselaele.