Levitiko 7:34 - Tosi Tapu

³⁴ Ko le Eteleno totonu leia e tuku ia le fakatotonu leinei kia koutou ko fanau a Iselaele, ke kotou vaei kese le vakavakapu mo le alaga mua atamai o sakilifisio komunio fuli ala na liliaki i mua o le Eteleno, o kotou soli loa laua ki le tagata faisakilifisio ko Alone ti mo ona vosa. E soli loa a inati ana kia latou o lee gato.

Levitiko 7:34 ပူးပေါင်းရင်းမြစ်များ

Ekesote 29:26

E ke too loa le fatafata o le ovi tagata, leia na momoli ki le fakatapu o Alone, ti e ke liliaki loa a ia ki leia fetuu mo leia fetuu i mua o le Eteleno : ko lou vaega loa lena.

Ekesote 29:9

E ke toi loa se kilii pipi kia Alone mo ona vosa, ti e ke fakapiki loa a puloga tea ki ulu o vosa o Alone. E lotou maua loa le gaoi fakapelepitelo, ti ko se lao lena ke tuu mau ki tautupu mo tautupu. Ti e ke fakanofo loa Alone mo ona vosa ke tagata faisakilifisio.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Levitiko 7:33

Talie ko le alaga mua atamai ko le vaega a ia leia e tonu ke soli ki le vosa o Alone leia e momoli ia le toto mo le gako o le sakilifisio komunio.

Numelo 5:9

Ko vaega fuli ala e too loa i se moliga tapu leia na ave e fanau a Iselaele e maua loa e le tagata faisakilifisio.

Numelo 6:20

E liliaki loa e le tagata faisakilifisio a nea ana ki le fetuu mo le fetuu i mua o le Eteleno : Ko se nea tapu a ia, leia e maua loa e le tagata faisakilifisio, mo le vakavakapu leia na liliaki ti mo le alaga muli leia na siki. Ti oki, e feala loa ke inu e le tagata nasilea se vino.

Numelo 8:11

E fakamaliuliu loa e Alone le kau Levi ki fetuu mo fetuu i mua o le Eteleno, ofaipe se moliga a fanau o Iselaele ; ti e fakatapui loa latou ke fakasausau ki le Eteleno.

Tetelonome 18:3

Ko nei loa a nea ala ke soli ki le kau tagata faisakilifisio e le kakai, e latou ala e momoli ia loa se sakilifisio, se pipi tagata pe ko se akeno : e soli loa ki le tagata faisakilifisio le alaga mua, mo kaugutu, mo le kete.