Levitiko 7:32 - Tosi Tapu

³² I akoutou sakilifisio komunio fuli, e kotou too loa le alaga mua atamai o le manu, o soli a ia ki le tagata faisakilifisio.

Levitiko 7:32 ပူးပေါင်းရင်းမြစ်များ

Ekesote 29:27

E ke fakatapui loa le fatafata mo le alaga mua o le ovi tagata, leia na fakaaoga ki le fakanofo o Alone mo ona vosa, io, le fatafata i lau liliaki a ia ki leia fetuu mo leia fetuu, mo le alaga mua i lau siki a ia ki aluga.

Levitiko 10:14

E kotou kai loa i se ganea mea, e koe mo ou vosa ti mo ou taineliki, le vakavakapu leia na liliaki ki fetuu mo fetuu ti mo le alaga mua atamai leia na siki ki aluga i mua o le Eteleno ; talie kua soli kia koutou a inati ana ko le totogi o le gaoi fakapelepitelo, i sakilifisio fakafetai fuli a fanau o Iselaele.

Levitiko 7:33

Talie ko le alaga mua atamai ko le vaega a ia leia e tonu ke soli ki le vosa o Alone leia e momoli ia le toto mo le gako o le sakilifisio komunio.

Levitiko 7:34

Ko le Eteleno totonu leia e tuku ia le fakatotonu leinei kia koutou ko fanau a Iselaele, ke kotou vaei kese le vakavakapu mo le alaga mua atamai o sakilifisio komunio fuli ala na liliaki i mua o le Eteleno, o kotou soli loa laua ki le tagata faisakilifisio ko Alone ti mo ona vosa. E soli loa a inati ana kia latou o lee gato.

Levitiko 9:21

Ti na liliaki loa e Alone i mua o le Eteleno le vakavaka mo alaga mua atamai, o mulimuli ki le fakatotonu a le Eteleno.

Numelo 5:9

Ko vaega fuli ala e too loa i se moliga tapu leia na ave e fanau a Iselaele e maua loa e le tagata faisakilifisio.

Numelo 6:20

E liliaki loa e le tagata faisakilifisio a nea ana ki le fetuu mo le fetuu i mua o le Eteleno : Ko se nea tapu a ia, leia e maua loa e le tagata faisakilifisio, mo le vakavakapu leia na liliaki ti mo le alaga muli leia na siki. Ti oki, e feala loa ke inu e le tagata nasilea se vino.

Tetelonome 18:3

Ko nei loa a nea ala ke soli ki le kau tagata faisakilifisio e le kakai, e latou ala e momoli ia loa se sakilifisio, se pipi tagata pe ko se akeno : e soli loa ki le tagata faisakilifisio le alaga mua, mo kaugutu, mo le kete.

Uluaki tosi a Samuele 9:24

Na soli loa e le tagata kuka le alaga mua mo nea ala na ano mo ia, o tuku ki mua o Saulo. Ti na pati loa Samuele : Ko leinei le nea ala na tuku kese ; tuku a ia ki ou mua, ti ke kai, talie na taupau a ia kiate koe i le temi leia na kau fakaafe ai le kakai. Ti na kai loa Saulo mo Samuele i le aso lena.