Levitiko 7:2 - Tosi Tapu

² E tamate loa le vikitima ki le sakilifisio o le faisala i le ganea leia e tamate ai a failaulau. Ti e liligi loa le toto o le vikitima i le takatakai o le aletale.

Levitiko 7:2 ပူးပေါင်းရင်းမြစ်များ

Esaia 52:15

Koia e liliu loa a ia ki le toka api ko se tupuaga o le fiafia ; I ona mua e tapono loa e ni sau olatou gutu ; Talie e lotou tio loa ki le nea leia na leaise fakamatala kia latou, E lotou logo loa ki le nea leia na leaise lotou logo ki ai.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 40:39

I potupotu e lua o le kogafale na tuu ai ni laupapa e lua. Ti na tamate i ai a manu ala na momoli i failaulau : a failaulau mo sakilifisio kesekese ki le fakamolemole o agasala.

Levitiko 1:11

E tamate loa e ia le manu i le fetuu noleto o le aletale, i mua o le Eteleno ; ti e liligi loa e tagata faisakilifisio, vosa o Alone, le toto o le manu i le takatakai katoa o le aletale.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 1:5

E tamate loa e ia le pipi tagata muli i mua o le Eteleno ; ti e momoli loa e tagata faisakilifisio, vosa o Alone, le toto, o liligi loa a ia i le takatakai katoa o le aletale leia e tuu i le uluaga o le falela tapu.

Levitiko 14:13

E tamate loa e ia le akeno i le ganea leia e tonu ke tamate ai a vikitima ki le fakamolemole ti mo failaulau, i se ganea tapu ; talie i le sakilifisio ki le fakamalie, ofaipe le sakilifisio ki le fakamolemole, e maua loa le vikitima e le tagata faisakilifisio ; ko se nea maokioki lasi a ia.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 3:8

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu ; ti e liligi loa e vosa o Alone le toto o le manu ki le takatakai katoa o le aletale.

Levitiko 4:24

E teki loa e ia lona lima ki le fa ulu o le koti tagata, ti e tamate loa e ia le koti tagata i le ganea leia e tamate ai a failaulau i mua o le Eteleno. Ko se sakilifisio a ia ki le agasala.

Levitiko 4:29

E teki loa e ia lona lima ki le fa ulu o le vikitima leia e momoli ki lana agasala ; ti e tamate loa e ia le vikitima ki le agasala i le ganea leia e tamate ai a failaulau.

Levitiko 4:33

E teki loa e ia lona lima ki le fa ulu o le vikitima leia e momoli ki le agasala, ti e tamate loa e ia le vikitima o le sakilifisio ki le agasala i le ganea leia e tamate ai a failaulau.

Levitiko 5:16

E tonu foki ke toe totogi e le tagata lena le puli o le sagatualio, o toe tuku e ia ki le totogi lena le vaega lima o le totogi, ti e tuku loa e ia a nea fuli ana ki le tagata faisakilifisio. Ti e momoli loa e le tagata faisakilifisio kiate ia le ovi tagata leia ke fai ai le sakilifisio o le fakamolemole o lana agasala, ti e fakamolemole loa kiate ia.

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Levitiko 5:9

Ti e afusi loa e le tagata faisakilifisio ki le aletale le toto o le vikitima leia na momoli ki le agasala, ti e liligi loa e ia le toe o le toto ki le vae o le aletale ; ko se sakilifisio a ia ki le agasala.

Levitiko 6:7

Ko leinei le lao ki le moliga nea kai. E momoli loa a ia e vosa o Alone ki le Eteleno, i mua o le aletale.

Numelo 6:12

E toe fakatapui loa e ia ki le Eteleno a aso o lona nasilea, ti e toe momoli loa e ia se akeno fetuu tasi ki le sakilifisio fakamalie ; E leaise toe lau loa a aso ala i mua, talie na fakakelekele lona nasilea.

Epelo 11:28

Ko le tui leia na momoli ai loa e ia le Pasikate, ti na afusi ai loa e ia le toto, o tupu ke aua na fafa le tagata tukipo ki fanau uluaki a le kau Iselaele.

Epelo 12:24

kia Sesu leia ko le tagata fakasoko pati o le sai foou, ki le toto o le afusi leia e masau malie ake i le toto o Apele.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !