Levitiko 7:18 - Tosi Tapu

¹⁸ Kae kapau e soko loa kua kai e se tagata le kanofi o lana sakilifisio komunio i le tolu o aso, e leaise tali loa e le Eteleno le sakilifisio ; e ano noa loa lana sakilifisio kiate ia, talie kua veli le inati ki nea fakalotu. Ko leia e kai loa ki le nea lena e agasala loa.

Levitiko 7:18 ပူးပေါင်းရင်းမြစ်များ

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Esaia 65:4

Leia e fai lona nofoaga i ni tanuma, Ti e moe i pouli i ana, O kai a inati o puaka Ti mo tanaki i alatou ipu ni nea kai kelekele ;

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Selemia 14:10

Ko leinei le nea leia kua fakasa e le Eteleno o uiga mo le kakai leinei : E lotou manako ki le makape saele, E leaise lotou iloa le tataofi o olatou vae ; E leaise malie ia e le Eteleno le nea lena, E manatui e ia alotou agaveli i le aso nei, Ti e tautea e ia alatou agasala.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Esekiele 18:20

Ko le laumalie leia e agasala, ko ia leia e mate loa. E leaise amo loa e le vosa le agasala a lona tamana, ti e leaise amo loa e le tamana le agasala a lona vosa. E to loa le faitotonu a le tagata agatonu kiate ia.

Oseo 8:13

E lotou tamate ni manu o momoli mai kiate au, Ti e lotou kai a kanofi. E leaise maua e le Eteleno sona fiafia i ai. I le temi nei e manatui e le Eteleno lalatou agaveli, Ti e tautea loa e ia alatou agasala : E lotou toe liliu loa ki Esipito.

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Levitiko 10:19

Na pati loa Alone kia Moisese : Ko leinei, kua lotou momoli i le aso leinei lalatou sakilifisio ki le fakamolemole mo lalatou failaulau i mua o le Eteleno. Pe feala i le aso nei, i le oki o le nea leia na soko mai kiate au, ke kau kai loa le kanomate o le koti o le fakamolemole ? Pe feala ke malie le nea lena ki mata o le Eteleno ?

Levitiko 11:41

Ke aua na kotou kai a manu fuli ala e totolo i aluga o le kele.

Levitiko 17:16

Ti kapau e leaise fo loa e ia ona kofu, ti e leaise maanu loa a ia, ti e agasala loa a ia.

Levitiko 19:5

Ka kotou momoli loa ki le Eteleno se sakilifisio fakafetai, e kotou momoli loa a ia o mulimuli ki le lekula, ti e kau tali loa a ia.

Levitiko 20:17

Kapau e momoe loa se tagata mo lona tuagaane totonu, le taine totonu o lona tamana pe o lona tinana, ko le nea fakalumaluma a ia ; e tuuti loa laua i mata o fanau o lola kakai : kua momoe le tagata lena mo lona tuagaane, e amo loa e ia lana agasala.

Levitiko 20:19

Aua na ke momoe loa mo le taina o lou tinana, pe ko le tuagaane o lou tamana, talie ko lou famili totonu. Ko latou ala e fai ia loa le nea lena, e amo ia loa le veli o le agasala lena.

Levitiko 22:16

Kapau e lotou kai loa a moliga tapu kae e leaise lotou mea, e lotou teki loa ki fanau a Iselaele se agasala leia e tonu ke totogi : talie ko au ko le Eteleno, leia e fakatapui ia a moliga.

Levitiko 22:23

E feala loa ke ke momoli se sakilifisio alofa ki se pipi tagata pe ko se akeno leia e nofo mo se vae leia e loa pe toetoe ; kae e leaise ke momoli loa aia o tupu ke fakasoko ai se fakapapau.

Levitiko 22:25

Aua na kotou tali mei lima o se tagata matapule se manu fua e tasi i manu ana, ke momoli ai se nea kai ki lokoutou Atua ; talie kua puli se koga o manu ana, ti kua lotou nofo mo se mele : e leaise tali malie loa latou.

Levitiko 5:17

Kapau e fai loa e se tagata, i lona loto noa, se nea leia na tapui e se folafola a le Eteleno, ti e agasala loa a ia, o visia i lana agasala.

Levitiko 7:19

Ti kapau na lave loa le kanoi manu lena ki se nea kelekele, e leaise kai loa a ia, kae ti loa a ia ki le afi. E tonu ke mea le tagata leia e kai loa ki le tino o le sakilifisio.

Amosi 5:22

Ka kotou momoli mai kiate au ni failaulau mo ni moliga, E leaise kau maua fua i ai se ga fiafia ; Ti ko uviki pipi gagako ala e kotou fai ki ai akoutou sakilifisio fakafetai, E leaise kau tio fua ki ai.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Numelo 18:27

ti e lau loa le vaega lena kia koutou ofaipe le vaega leia e too i le sasaaga fulumeto mo le tanakiaga vino.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.