Levitiko 7:16 - Tosi Tapu

¹⁶ Ti kapau e fai e se tasi se sakilifisio fakafetai ki le soko o se fakaamu pe i lona loto malie, e kai loa le vikitima i le aso leia e momoli ai loa e ia a ia, ti e kai loa le nea leia e toe loa i leia ake aso.

Levitiko 7:16 ပူးပေါင်းရင်းမြစ်များ

Pesalemo 116:14

E kau fai loa aku fakapapau ki le Eteleno, I mua o lona kakai katoa.

Pesalemo 116:18

E kau fai loa aku fakapapau ki le Eteleno, I mua o lona kakai katoa,

Pesalemo 66:13

E kau ano loa ki lou fale mo ni failaulau, E kau fai loa aku fakapapau kiate koe :

Ekesote 35:29

Ko fanau fuli a Iselaele, tagata mo fafine, ala na loto malie ke kau ki le gaoi leia na fakatotonu e le Eteleno kia Moisese, na ave ia loa ki le Eteleno ni moliga o fakalogo ki le loto.

Taagapati 7:14

Na tonu ke kau momoli se sakilifisio fakafetai, Ti na kau fakasoko i le aso nei aku fakapapau.

Esekiele 46:12

Kapau e momoli loa e le tama aliki ki le Eteleno sana failaulau i lona loto malie pe ko se sakilifisio fakafetai i lona loto malie, e fakamavaa loa kiate ia le matapa i le fetuu esite, ti e momoli loa e ia lana failaulau mo lana sakilifisio fakafetai ofaipe lana fai masani i le aso o le sapato ; ti ka oki a ia ti toe ulu loa a ia ki fafo ; ti e toe tapono loa le matapa i le oki o lana ulu ki fafo.

Levitiko 22:23

E feala loa ke ke momoli se sakilifisio alofa ki se pipi tagata pe ko se akeno leia e nofo mo se vae leia e loa pe toetoe ; kae e leaise ke momoli loa aia o tupu ke fakasoko ai se fakapapau.

Levitiko 22:29

Kapau e kotou momoli loa ki le Eteleno se sakilifisio fakafetai, kotou mulimuli loa ki le lekula o tupu ke tali malie a ia.

Levitiko 23:38

E kotou tausi kese fai a sapato o le Eteleno, ti kotou soko atu aifai le fai o akoutou moliga ki le Eteleno, mo akoutou sakilifisio ki le fakasoko o ni fakapapau, ti mo akoutou moliga i le loto alofa.

Numelo 15:3

e kotou momoli loa ki le Eteleno ni sakilifisio tutu katoa e le afi mo ni sakilifisio fakafetai, pe ki le fakasoko o se fakapapau, pe i le loto malie, pe i aso fakafiafia. E kotou filifili loa ki sakilifisio ana se pipi tagata, pe ko se ovi, pe ko se koti fafine, ti e kau tali malie loa le afu manogi o sakilifisio ana, ko au ko le Eteleno.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:17

E leaise feala loa ke ke kai i ou matapa le vaega kau agafulu o lau fulumeto, mo lau vino foou, mo lau lolo, mo manu uluaki o lau kau manu lalasi mo lau kau manu liliki, mo se moliga ki se fakapapau, mo au moliga alofa, mo au uluaki fua.

Tetelonome 12:26

Kae ke ke ave loa ki le ganea leia e filifili loa e le Eteleno a nea ala e ke loto loa ke fakatapui ki le Eteleno mo moliga ala e ke fai loa ke fakasoko ai se fakapapau.

Tetelonome 12:6

Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.