Levitiko 7:13 - Tosi Tapu

¹³ E toe ave loa e ia se moliga ko ni pane fakatupu, o fakatasi mo le moliga fakafetai.

Levitiko 7:13 ပူးပေါင်းရင်းမြစ်များ

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Levitiko 2:12

E feala ke kotou fai loa se moliga leia e maua ai se fakatupu mo se meli i le aso leia e kotou momoli ai a uluaki fua, kae aua na ke momoli loa a ia i le aletale ofaipe se moliga leia e manogi malie ki le Eteleno.

Levitiko 23:17

E kotou ave loa i okoutou fale ni fa pane e lua ke momoli ki le Eteleno ; e teuteui loa le fa pane e tasi ki ni kilo falina e tolu ti e tao loa a ia mo se fakatupu. Ko uluaki fua ana ki le Eteleno.

Levitiko 23:18

E kotou toe momoli loa ni failaulau ki le Eteleno, ke fakalasi ai le moliga pane : ko ni akeno e fitu ala e fetuu taki tasi mo lee mele, mo se pipi tagata muli, ti mo ni ovi tagata e lua ; ti kotou ave latou mo olatou moliga falina, mo moliga vino masani. Ko ni sakilifisio tutu latou e le afi, ko se nea manogi malie a ia ki le Eteleno.

Amosi 4:5

Kotou fai akoutou sakilifisio fakafetai ki se pane fakatupu ! Kotou fakasa, kotou logologo akoutou moliga ala e kotou fai, Talie ko le nea lena e kotou loto ki ai, fanau o Iselaele, E pati le Aliki, le Eteleno.

Mateo 13:33

Na toe fakasa loa e ia kia latou se tasi folafola fakatata : E fakatatau le Puleaga o le atu lagi ki se fakatupu leia na too e se fafine, o lusi fakatasi mo ni ipu falina e tolu, ti tuku loa e ia ke tupu.

Uluaki tosi kia Timoteo 4:4

Talie e malie a nea fuli ala na fakatupu e le Atua, ti e leaise tonu ke tiaki se nea, kae ke too a ia mo ni fakafetai,