Levitiko 6:4 - Tosi Tapu

⁴ Ti e tatala loa e ia ona kofu, kae toe tui loa e ia ni iki ake a kofu ke ave ai le mugalafu ki fafo o le nofolaga, ki se ganea mea.

Levitiko 6:4 ပူးပေါင်းရင်းမြစ်များ

Senesi 21:25

Ti na fai loa e Apalaamo kia Apimeleke ni valoki o tupu ko se sosoni vai leia na too fakamakeke e tagata fakasausau a Apimeleke.

Neemia 5:11

Ke tou liufaki kia latou i le aso nei, alatou faisaga fulumeto, mo alatou faisaga vite, mo alatou faisaga oliveto, mo olatou fale, ti mo le tupu o olatou maua, ala na tou fakamaua kia latou, i le paaga, mo le fulumeto, mo le vino, ti mo le lolo.

Sopo 20:19

Talie na fakamakeke e ia ti na tiaki e ia le kau mativa ; Ti na maumaui e ia olatou fale, kae na leaise fakatuu e ia se fale kia latou.

Sopo 24:2

E siki e ni iki a koiga, E fagai e ni iki ni kau manu ala na lotou kaia.

Esaia 59:6

Ko nea ala na lotou lalaga e leaise aoga ke fai ai se kofu, Ti e leaise mafai ke lotou lava ki alatou gaoiaga ; Ko alatou gaoi ko ni gaoi o le agasala, Ti e maua i olatou lima ni gaoi o le agamakeke.

Esekiele 18:12

ti kapau e fakamakeke e ia le tagata fakaaloalofa mo le tagata mativa, ti kapau e kaia a ia, ti kapau e leaise liufaki e ia le koloa o leia na gaoi kiate ia, ti kapau e tausi a ia ki taulaatua, o fai ni nea fakalialia,

Esekiele 18:18

Ko lona tamana, leia ko se tagata agaveli, leia na kaia ia ni iki, leia na fai ia i loto malie o lona kakai le nea veli, ko ia lena e mate loa, o tupu ko lana agasala.

Esekiele 18:7

Leia e leaise fakamakeke ia se tasi, leia e liufaki ia ki le tagata tuu maua lana nea fakamaoki, leia e leaise kaia ia se tasi, leia e soli ia lana pane ki leia e fia kai ti e fakalava ia leia e telefua,

Esekiele 33:15

Kapau e liufaki loa e ia le nea fakamaoki, ti e fakaliliu loa e ia le nea leia na kaia e ia, ti kapau e mulimuli loa a ia ki pelesepeto ala e soli ia le mauli, kae e leaise toe fai loa e ia le agaveli, e mauli loa a ia, kae e leaise mate loa a ia.

Esekiele 44:19

Ti ka lotou ulu loa o ano ki le malae fafo ki le kakai, e lotou tatala loa a teu ala na lotou fai ai le tausi, ti e lotou tuku loa latou i ni kogafale o le fale tapu ; e lotou toe tui loa ni iki ake a teu, o tupu ke aua na maokioki le kakai i lalatou lave ki teu.

Levitiko 24:18

Ko leia e taai ia loa se manu o mate e fetogi loa e ia a ia : ko le mauli ki le mauli.

Levitiko 24:21

Ko leia e tamate ia loa se manu, e toe fetogi loa e ia a ia, kae ko leia e tamate ia loa se tagata, e tautea loa a ia ki le mate.

Levitiko 4:12

Ti mo le pipi tagata katoa, e ave loa e ia ki fafo o le nofolaga ki se ganea mea leia e laku ki ai a mugalafu, ti e tutu loa e ia le pipi tagata i le afi i aluga o ni fafie. Talie e tonu ke tutu a ia i aluga o le tuuga mugalafu.

Amosi 3:10

E leaise lotou iloa le fai o le nea leia e totonu, e pati le Eteleno, E lotou tanaki fakatuuga i olatou fale sau a fua o le agamakeke mo le kaia.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Sofoni 1:9

I le aso lena, e kau tautea loa latou fuli ala e sopo i le mua matapa ofaipe ni pagani, Latou ala e fakaapele ia le fale o lolatou pule ki le agamakeke mo le kaka.

Malakia 1:13

E kotou pati : kau fai nei le pakia ! ti e kotou vesia kiate au, E pati le Eteleno o kau tau. Koia e kotou aumai ai kiate au ni manu kaia, mo kito ti mo maimoa ! Ti ko na moliga e kotou fai mai kiate au ! Pe feala ke kau tali malie latou mei okoutou lima ? e pati le Eteleno.

Numelo 5:7

E kofesio loa e ia lana agasala, ti e liufaki loa e ia le nea leia na kaia e ia, o fakalasi a ia ki le vaega lima, ti e tuku loa e ia a ia ki le tagata leia na agasala a ia ki ai.