Levitiko 6:22 - Tosi Tapu

²² E kai loa ki ai a fanau tagata fuli o le kau tagata faisakilifisio : ko se nea maokioki lasi a ia.

Levitiko 6:22 ပူးပေါင်းရင်းမြစ်များ

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Oseo 4:8

E lotou kai a agasala o loku kakai, E lotou oli mamae ai ki ana agaveli.

Levitiko 3:17

Ko se lao lee gato leinei ki okoutou sakoga, i ganea fuli ala e kotou nonofo ai loa : E leaise kotou kai loa se gako pe ko se toto.

Levitiko 4:24

E teki loa e ia lona lima ki le fa ulu o le koti tagata, ti e tamate loa e ia le koti tagata i le ganea leia e tamate ai a failaulau i mua o le Eteleno. Ko se sakilifisio a ia ki le agasala.

Levitiko 4:3

Kapau na agasala le tagata faisakilifisio leia kua pani ki le lolo tapu, ti kua agasala loa i ai le kakai, e tonu loa ke momoli e ia ki le Eteleno, o uiga mo lana agasala, se pipi tagata lee mele.

Levitiko 6:10

E leaise fakamoso fakatasi loa a ia mo se fakatupu. Talie ko se vaega a ia leia kua kau tuku kia latou i aku moliga tutu. Ko se nea maokioki lasi a ia, ofaipe le sakilifisio ki le agasala mo le sakilifisio ki le faisala.

Levitiko 6:11

E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.

Levitiko 6:21

Kapau na fakamoso a inati i se kulo kele, ti e maumaui loa le kulo lena ; ti kapau na fakamoso a inati i se kulo ukamea, e tonu loa ke olo a ia, ti ke fakamea a ia ki se vai.

Levitiko 6:23

Kae e leaise kai loa se vikitima ki le agasala, leia na ave loa lona toto ki le falela tapu, ke fai ai le fakamalie i le sagatualio : e tonu ke tutu a ia i le afi.

Levitiko 8:21

Ti na fakamea loa e ia ki le vai a vava mo vae, ti na tutu loa e ia a nea fuli o le akeno tagata i aluga o le aletale. Ko se failaulau lena, ko se sakilifisio tutu katoa a ia, ti ko se nea manogi malie a ia ki le Eteleno, o mulimuli ki le fakatotonu leia na tuku e le Eteleno kia Moisese.

Tetelonome 10:6

Na mavae loa fanau a Iselaele i Peeloti-Pene-Saakani ki Mosela. Ko le ganea lena na mate ai loa Alone, ti na tanu ai loa a ia. Na fetogi loa a ia e lona vosa ko Eleasale i le gaoi fakapelepitelo.

Epelo 7:23

Ko le tasi foki a nea, na toka lasi ai le kau tagata fai sakilifisio, talie na leaise fakataga e le mate ke lotou mauli fualoa.