Ti ko le kogafale leia e agaaga ki le potu noleto, ko le kogafale a ia ki tagata faisakilifisio ala e tausi ki le aletale. I vosa fuli o Levi, e gato loa ki vosa o Satoke ala e feala loa ke ulu ki le sagatualio o fai le tausi.
E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.
I le aso leia e fakatapui ai loa Alone mo ona vosa, e lotou momoli loa ki le Eteleno ni kilo falina e tolu i le aso, ko le tasi vaelua i le usu, ti ko le tasi vaelua i le afiafi.
E kai loa e Alone mo ona vosa le nea leia e toe loa i le moliga ; e kai loa a ia sala fakatupu ; e lotou kai loa a ia i se ganea tapu, i le lotoa o le falela tapu.
Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.
