Levitiko 6:11 - Tosi Tapu

¹¹ E kai loa ki ai a tagata fuli o fanau a Alone. Ko se lao lee gato a ia ki okoutou sakoga, o uiga mo moliga tutu ki le Eteleno : ko leia e lave loa ki ai, e maokioki loa a ia.

Levitiko 6:11 ပူးပေါင်းရင်းမြစ်များ

Ekesote 29:37

E ke fai loa le tootooga lena i aso ana e fitu ; e liliu loa le aletale o maokioki, ti e maokioki loa a nea fuli e lave loa ki ai.

Esekiele 44:19

Ti ka lotou ulu loa o ano ki le malae fafo ki le kakai, e lotou tatala loa a teu ala na lotou fai ai le tausi, ti e lotou tuku loa latou i ni kogafale o le fale tapu ; e lotou toe tui loa ni iki ake a teu, o tupu ke aua na maokioki le kakai i lalatou lave ki teu.

Levitiko 16:27

E ave loa ki fafo o le nofolaga le pipi tagata o le fakamalie mo le koti tagata o le fakamalie, ala kua ave ola toto ki le sagatualio ke fai ai le fakamalie, ti e tutu loa e le afi ola kili, mo ola tino, ti mo ola faikauga.

Levitiko 24:9

E maua loa a pane e Alone mo ona vosa, ti e lotou kai loa latou i se ganea tapu ; talie ko se nea maokioki a ia kia latou, ko se vaega a ia o moliga tutu i mua o le Eteleno. Ko se lao a ia ke tuku sosolo.

Levitiko 4:12

Ti mo le pipi tagata katoa, e ave loa e ia ki fafo o le nofolaga ki se ganea mea leia e laku ki ai a mugalafu, ti e tutu loa e ia le pipi tagata i le afi i aluga o ni fafie. Talie e tonu ke tutu a ia i aluga o le tuuga mugalafu.

Levitiko 4:21

E ave loa e le tagata faisakilifisio le pipi tagata ki fafo o le nofolaga, o tutu a ia i ai ofaipe lana tutu le uluaki pipi tagata. Ko le sakilifisio a ia ki le agasala o le kakai.

Levitiko 6:10

E leaise fakamoso fakatasi loa a ia mo se fakatupu. Talie ko se vaega a ia leia kua kau tuku kia latou i aku moliga tutu. Ko se nea maokioki lasi a ia, ofaipe le sakilifisio ki le agasala mo le sakilifisio ki le faisala.

Levitiko 6:12

Na masau loa le Eteleno kia Moisese, o pati :

Levitiko 6:20

Ko nea fuli ala e lave loa ki le sakilifisio lena, e liliu loa o maokioki. Ti kapau e pipii loa se ga toto ki se kofu, ti e fakamea loa le potu o le kofu lena na totototoa i se ganea mea ;

Levitiko 6:22

E kai loa ki ai a fanau tagata fuli o le kau tagata faisakilifisio : ko se nea maokioki lasi a ia.

Levitiko 7:6

E kai loa ki ai a tagata fuli i le kau faisakilifisio ; kae tonu ke kai loa a ia i se ganea tapu ; talie ko se nea maokioki lasi a ia.