Levitiko 5:2 - Tosi Tapu

² Kapau e lave loa se tagata ki se nea kelekele, pe ko se manu mate, ofaipe se manu vao, pe se manu lalata, pe se manu totolo, e liliu loa le tagata lena o kelekele ti e agasala loa a ia.

Levitiko 5:2 ပူးပေါင်းရင်းမြစ်များ

Pesalemo 19:12

E ako foki e lau tagata fakasausau a nea ana ; E lasi le fakapale o leia e tausi ia latou.

Esaia 52:11

Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Levitiko 11:11

Kotou fakalialia ki manu ana : aua na kotou kai olatou kanofi ti aua na kotou lave ki olatou tino mate.

Levitiko 11:8

Ke aua na kotou kai olatou kanofi, ti ke aua na kotou lave fua ki olatou tino mate ; e lotou kelekele.

Levitiko 4:13

Ti kapau na agasala fakafuanoa le fakatasi katoa o Iselaele o fai e ia se nea leia na tapui e se lao e tasi a le Eteleno, e agasala loa i ai le kakai katoa o Iselaele, logo ai na leaise iloa e ia.

Levitiko 5:17

Kapau e fai loa e se tagata, i lona loto noa, se nea leia na tapui e se folafola a le Eteleno, ti e agasala loa a ia, o visia i lana agasala.

Levitiko 5:3

Kapau na lave se tagata ki se tasi leia e nofo mo se masaki kelekele leia e kava, kae na leaise iloa e ia i le temi lena ; ti kapau e iloa loa e ia a ia ki muli mai, e agasala loa a ia i le nea lena.

Levitiko 5:4

Kapau na leaise fakakaukau se tagata, o fai e ia se fakapapau pe malie pe veli ki se tasi tagata, ti kapau e malama loa a ia ki muli mai ki le nea a ia, ti e visia loa a ia i ai.

Levitiko 7:21

Ti e tatau foki ki le tagata leia e lave loa ki se tasi leia e kelekele, pe ko se manu leia e kelekele, pe ko se nea leia e kelekele : e motusi loa a ia mei lona kakai.

Akeseo 2:13

Ti na pati loa Akeseo : Kapau kua kelekele loa se tagata o tupu ko se mate, ti e fafa loa a ia ki nea fuli ana, pe kelekele loa a nea kai ana ? Ti na tali loa le kau faisakilifisio : E io, e lotou kelekele loa.

Numelo 19:22

E kelekele loa nea fuli ala e lave loa ki se tagata kelekele, ti ko leia e lave loa kiate ia e toe kelekele loa a ia o kaku ki le afiafi.

Luka 11:44

Malaia kia koutou ! Talie e kotou faipe ni tanuma ala e leaise mailoga, ti e saele ai i aluga kae e leaise iloa.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Tetelonome 14:8

Ke aua na kotou kai loa le puaka, leia e maua ia ni vae paisi lua kae e leaise kai lulua, e tonu loa ke kelekele a ia kia koutou : e lotou kelekele loa kia koutou. Ke aua na kotou kai loa lona tino, ti ke aua na kotou fafa loa ki se puaka mate.