Levitiko 5:11 - Tosi Tapu

¹¹ Ti kapau e leaise maua loa e ia se nea leia ke totogi ai ni kulukulu e lua pe ko ni lupe muli e lua, e momoli loa e ia ki lana agasala ni kilo falina tea e fa ; kae e leaise liligi loa e ia se lolo i aluga, pe teki loa e ia i aluga se iseso, talie ko se sakilifisio a ia ki le agasala.

Levitiko 5:11 ပူးပေါင်းရင်းမြစ်များ

Ekesote 16:18

Na fua loa ki le omele ; ti ko le tagata leia na lasi lana tae na leaise maua e ia se nea leia e fakalaka, ti ko le tagata leia na ikiiki lana tae na leaise puli kiate ia se nea. Na tae e le tagata le nea leia na aoga ki lona mauli.

Ekesote 16:36

Ko le omele ko le vaega kau agafulu o le efa.

Levitiko 1:14

Ti kapau ko lana moliga ki le Eteleno ko se manu lele ki le failaulau, e momoli loa e ia ni kulukulu pe ko ni lupe koi muli.

Levitiko 12:8

Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 14:21

Kapau e mativa le tagata lena ti e leaise maua e ia se nea leia ke totogi ai a moliga ala e aoga, e too loa e ia se akeno e tasi ki le sakilifisio fakamalie, ti e momoli loa e ia a ia ki le Eteleno o uiga mo lona fakamea. Ti e too loa e ia se moliga nea kai ko kilo falina e tolu ala kua lusi fakatasi mo le lolo, ti mo se vaeluai liti lolo.

Levitiko 27:8

Ti kapau e mativa veli se tasi ke totogi ai le paaga totonu, e ave loa e ia leia e tonu ke totogi ki mua o le tagata faisakilifisio ; ti e fakafuafua loa e le tagata faisakilifisio le lasi o le totogi o mulimuli ki le nea leia e maua e le tagata lena na fai ia le fakapapau.

Levitiko 5:12

E ave loa e ia le falina ki le tagata faisakilifisio leia e alii ia loa i ai ki lona alofilima se ga falina, leia e igoa ko le fakamanatu, ti e tutu loa e ia le nea lena i aluga o le aletale ofaipe la ake sakilifisio tutu ki le Eteleno. Ko se moliga a ia ki le fakamolemole o le agasala.

Levitiko 5:6

Ti e momoli loa e ia ki le Eteleno, o uiga mo lana agasala, se manu ikiiki fafine, se ovi fafine pe ko se koti fafine, ke fai ai se sakilifisio ki le agasala. Ti e fai loa e le tagata faisakilifisio kiate ia le fakamolemole o lana agasala.

Levitiko 5:9

Ti e afusi loa e le tagata faisakilifisio ki le aletale le toto o le vikitima leia na momoli ki le agasala, ti e liligi loa e ia le toe o le toto ki le vae o le aletale ; ko se sakilifisio a ia ki le agasala.

Levitiko 6:20

Ko nea fuli ala e lave loa ki le sakilifisio lena, e liliu loa o maokioki. Ti kapau e pipii loa se ga toto ki se kofu, ti e fakamea loa le potu o le kofu lena na totototoa i se ganea mea ;

Numelo 5:15

e ave loa e le tagata lena lona avaga ki le tagata faisakilifisio mo se moliga ki lona avaga, ko ni kilo falina olese e tolu. E leaise liligi loa e ia se lolo ki aluga o le falina lena ti e leaise teki loa e ia se iseso ki aluga, talie ko se moliga a ia o tupu ko se masalosalo veli, ke fakasa ai se sala.

Numelo 7:13

Ko lana moliga : ko se pa siliva e kau lelau kau tolu fa sikele, mo se ipu siliva e kau fitu fa sikele, o mulimuli ki le fa sikele o le sagatualio, ko nea ana na apele lualua i le falina mea leia kua lusi fakatasi mo le lolo, ki le moliga nea kai ;

Luka 2:24

ti ke momoli se sakilifisio, ko ni tu e lua pe ko ni lupe e lua, o mulimuli ki le fakatotonu leia e tuu i le lao a le Aliki.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Epelo 9:22

Ti na teitei a nea fuli ke fakamea ki le toto, o mulimuli ki le lao, talie kapau e leaise liligi se toto, ti e leaise maua se fakamolemole.