Levitiko 5:1 - Tosi Tapu

¹ E soko loa i se aso, e logo loa se tagata ki le afa o latou ala na tio mata ki se nea leia na soko ; ti kapau e leaise ano loa a ia o fakasa le nea leia na tio a ia ki ai pe na logo a ia ki ai, e agasala loa le tagata lena, ti e amo loa e ia lona veli.

Levitiko 5:1 ပူးပေါင်းရင်းမြစ်များ

Uluaki tosi o Sau 22:16

Ti na pati loa le sau kiate ia : Pe tua fia loa laku kole atu kiate koe ke fakasa ata mai kiate au le nea leia e maoki mei le Eteleno ?

Uluaki tosi o Sau 8:31

Kapau e agasala loa se tagata ki lona oloi, e feala loa ke fakamaua kiate ia se fakapapau mo se malaia ; kapau e au loa a ia o fakapapau i mua o lou aletale, i le fale tapu leinei,

Lua tosi o Koloniko 18:15

Kae na pati loa le sau kiate ia : E tonu ke tua fia loa laku kolekole atu kiate koe ke ke fakasa mai le maoki mei le Eteleno ?

Pesalemo 38:4

E leaise nea fua koi malie i loku tino, o tupu ko lou sausau ; E leaise koi maua se makeke i oku ivi, o tupu ko laku agasala.

Ekesote 22:11

e fakapapau loa le tagata leia na taupau ia le manu, i mua o le Atua na leaise fafa lona lima ki le koloa o lona oloi ; ti e tali loa e le pule o le manu le fakapapau lena, ti e leaise totogi loa e le tagata leia na taupau ia le manu se nea.

Taagapati 29:24

Ko leia e kaukau nea mo se tagata kaia, e vesia ki lona laumalie ; E iloa e ia le malaia, kae e leaise masau a ia.

Taagapati 30:9

Talie na kau makona, ti kau fakafiti kiate koe, O kau pati : Ko ai le Eteleno ? Ti na kau mativa, ti kau kaia, O kau takua noa ki le suafa o loku Atua.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Esekiele 18:20

Ko le laumalie leia e agasala, ko ia leia e mate loa. E leaise amo loa e le vosa le agasala a lona tamana, ti e leaise amo loa e le tamana le agasala a lona vosa. E to loa le faitotonu a le tagata agatonu kiate ia.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Levitiko 17:16

Ti kapau e leaise fo loa e ia ona kofu, ti e leaise maanu loa a ia, ti e agasala loa a ia.

Levitiko 19:8

Ti ko leia e kai loa ki ai e agasala loa, talie kua maumaui e ia le nea tapu a le Eteleno. E tuuti loa a ia mei lona kakai.

Levitiko 20:17

Kapau e momoe loa se tagata mo lona tuagaane totonu, le taine totonu o lona tamana pe o lona tinana, ko le nea fakalumaluma a ia ; e tuuti loa laua i mata o fanau o lola kakai : kua momoe le tagata lena mo lona tuagaane, e amo loa e ia lana agasala.

Levitiko 4:2

Masau ki vosa o Iselaele, o ke pati : Kapau e agasala loa se tagata kae na leaise loto a ia ki ai, o fai e ia se nea leia na tapui e se lao e tasi o lao a le Eteleno, e tonu loa ke fai fakafeneeki :

Levitiko 5:15

Kapau e fai loa e se tagata, i lona loto noa, se sala ki moliga ala kua fakatapu ki le Eteleno, e tonu ke fai loa e ia le nea leinei : E momoli loa e ia ki le Eteleno, ki le totogi o lana agasala, se ovi tagata lee mele, leia kua totogi ki se paaga, o mulimuli ki le totogi leia e fakaaoga i le sagatualio ; e fakaaoga loa le manu lena ki le sakilifisio o le faisala.

Levitiko 5:17

Kapau e fai loa e se tagata, i lona loto noa, se nea leia na tapui e se folafola a le Eteleno, ti e agasala loa a ia, o visia i lana agasala.

Levitiko 7:18

Kae kapau e soko loa kua kai e se tagata le kanofi o lana sakilifisio komunio i le tolu o aso, e leaise tali loa e le Eteleno le sakilifisio ; e ano noa loa lana sakilifisio kiate ia, talie kua veli le inati ki nea fakalotu. Ko leia e kai loa ki le nea lena e agasala loa.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Mateo 26:63

Na fakalologo loa Sesu. Ti na masau loa le pule faisakilifisio, o pati kiate ia : E kau fakapapau atu i mua o le Atua mauli, fakasa mai kia matou pe ko Kilisito a koe, ko le Alo o le Atua.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Tuifakamaau 17:2

Na pati loa a ia ki lona tinana : Ko fa sikele paaga e afe tasi mo le kau lelau e tasi, ala na kaia iate koe, ti na ke tuku ai loa ni malaia ki leia na kaia i oku mua, ko nei latou e tuku i loku fale, talie ko au leia na too ia latou. Ti na pati loa lona tinana : Ke tapuaki le Eteleno ki loku vosa !