Levitiko 4:3 - Tosi Tapu

³ Kapau na agasala le tagata faisakilifisio leia kua pani ki le lolo tapu, ti kua agasala loa i ai le kakai, e tonu loa ke momoli e ia ki le Eteleno, o uiga mo lana agasala, se pipi tagata lee mele.

Levitiko 4:3 ပူးပေါင်းရင်းမြစ်များ

Lua tosi o Koloniko 29:21

Na lotou momoli loa ni pipi tagata e fitu, mo ni ovi tagata e fitu, mo ni akeno e fitu, mo ni koti e fitu, ko se sakilifisio fakamea o le puleaga, mo le sagatualio, ti mo Suta. Na fakatotonu loa e le sau ki le kau tagata faisakilifisio, vosa o Alone, ke momoli a sakilifisio i le aletale o le Eteleno.

Esetalasi 8:35

Ko le kakai leia na toe liliu mai mei le popula na momoli ia loa ni failaulau ki le Atua o Iselaele, ko ni pipi tagata e kau agafulu tupu lua ki Iselaele katoa, mo ni ovi tagata e kau iva tupu ono, mo ni akeno e kau fitu tupu fitu, ti mo ni koti tagata e kau agafulu tupu lua ki le fakamolemole o agasala : ko nea fuli ana ko ni failaulau ki le Eteleno.

Ekesote 29:14

Kae e ke tutu loa i le afi, i le fafo o le nofolaga, le tino o le pipi, mo lona kili, ti mo ona vava : ko se sakilifisio lena ki le agasala.

Ekesote 29:21

E ke too loa se toto i le toto leia e tuku i aluga o le aletale ti mo se lolo tapu, ti e ke afusi loa ki ai Alone mo ona kofu, ti mo ona vosa mo olatou kofu. E ke fakatapui loa i ai Alone mo ona kofu, ti mo ona vosa mo olatou kofu.

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Ekesote 30:10

E tua tasi i le fetuu, e fai loa e Alone le fakamalie i tala o le aletale ki le toto o le failaulau fakamalie o le agasala ; e fai tua tasi loa e ia i le fetuu ni fakamalie ki le agasala i le aletale, i okoutou tautupu fuli. Ko se nea maokioki lasi a ia ki le Eteleno.

Esekiele 40:39

I potupotu e lua o le kogafale na tuu ai ni laupapa e lua. Ti na tamate i ai a manu ala na momoli i failaulau : a failaulau mo sakilifisio kesekese ki le fakamolemole o agasala.

Esekiele 43:19

E pati le Aliki, le Eteleno : E ke soli loa se pipi tagata muli ki tagata faisakilifisio, ki le kau levita, latou ala e kau i le sakoga o Satoke, talie ko latou fai ala na kau fakataga ke fai ia le tausi kiate au. Ti e lotou momoli loa se sakilifisio ki le fakamolemole o agasala.

Esekiele 44:27

I le aso leia e ulu ai loa a ia ki le fale tapu, ki le malae loto, o fai le tausi i le fale tapu, e momoli loa e ia le sakilifisio ke fakamolemole ai kiate ia, e pati le Aliki, le Eteleno.

Levitiko 1:10

Ti kapau ko lana moliga ko se manu ikiiki ki le failaulau, ko se akeno tagata muli pe ko se koti tagata muli, e momoli loa e ia se manu tagata lee mele.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Levitiko 16:11

E momoli loa e Alone lana pipi tagata fakamolemole kiate ia totonu mo mo lona famili. E tamate loa e ia lana pipi tagata fakamolemole.

Levitiko 16:3

Ko leinei le nea leia e tonu ke fai e Alone, ti o ulu loa a ia ki le sagatualio : e too loa e Alone se pipi tagata ki le sakilifisio o le fakamalie ki le Atua, mo se akeno tagata ki le failaulau.

Levitiko 16:5

E tuku loa kiate ia e le kakai o Iselaele ni koti tagata e lua ki le sakilifisio o le fakamolemole, mo se ovi tagata e tasi ki le failaulau.

Levitiko 16:6

Ti e ave loa e Alone le pipi tagata leia e tonu ke momoli ki lana agasala totonu, ti e fai loa e ia le sakilifisio o le fakamolemole kiate ia totonu mo lona famili.

Levitiko 4:14

I le temi fai leia e iloa ai le sala leia na lotou fai, e momoli loa e le fakatasiga se pipi tagata muli ko se sakilifisio ki le agasala, ti e lotou ave loa a ia ki mua o le falela tapu.

Levitiko 4:23

Ka iloa loa e ia le sala leia na fai e ia, e momoli loa e ia se koti tagata lee mele.

Levitiko 4:28

Kapau e iloa loa e ia le agasala leia na fai e ia, e tonu loa ke momoli e ia se koti fafine lee mele, ki le agasala leia na fai e ia.

Levitiko 4:5

E too loa e le tagata faisakilifisio leia kua pani ki le lolo tapu se koga o le toto o le pipi tagata, o ave ki le falela tapu ;

Levitiko 5:6

Ti e momoli loa e ia ki le Eteleno, o uiga mo lana agasala, se manu ikiiki fafine, se ovi fafine pe ko se koti fafine, ke fai ai se sakilifisio ki le agasala. Ti e fai loa e le tagata faisakilifisio kiate ia le fakamolemole o lana agasala.

Levitiko 6:18

Masau kia Alone mo ona vosa, o ke pati kia latou : Ko leinei le lao o le sakilifisio ki le agasala. E tamate loa le vikitima i mua o le Eteleno, i le ganea leia e tamate ai a manu o failaulau. Ko se nea maokioki lasi a ia.

Levitiko 8:12

Ti na liligi loa e ia le lolo tapu ki le fa ulu o Alone, ke fakatapui ai a ia.

Levitiko 9:2

Na pati loa a ia kia Alone : too se pipi tagata muli ki le sakilifisio o le fakamolemole ti mo se ovi tagata ki le failaulau, ko ni manu lee mele, ti ke ave loa laua ki mua o le Eteleno.

Levitiko 9:3

Ti ke masau loa ki fanau a Iselaele, o ke pati loa kia latou : kotou too se koti tagata ki le failaulau, mo se pipi tagata muli mo se akeno, ala e taki fetuu tasi mo lee mele ki le sakilifisio fakamolemole ;

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Numelo 8:8

E lotou too loa se pipi tagata muli, mo le moliga falina leia kua lusi fakatasi mo le lolo, ti e lotou too loa mo se tasi ake a pipi tagata muli, ki le sakilifisio fakamalie.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Epelo 5:3

Ti e tupu e kau totonu a ia ki le gaegaeia, e tonu ke momoli e ia ni sakilifisio o tupu ko ana agasala totonu, ti mo ni iki ake o tupu ko agasala a le kakai.

Epelo 9:12

ti kua ulu tua tasi a ia ki le potu taputapu, ti na leaise ulu a ia mo le toto o se koti pe ko se uviki pipi, kae na ulu a ia mo lona toto totonu, ti kua maua e ia se totogi lee gato kia tatou.