Levitiko 4:24 - Tosi Tapu

²⁴ E teki loa e ia lona lima ki le fa ulu o le koti tagata, ti e tamate loa e ia le koti tagata i le ganea leia e tamate ai a failaulau i mua o le Eteleno. Ko se sakilifisio a ia ki le agasala.

Levitiko 4:24 ပူးပေါင်းရင်းမြစ်များ

Lua tosi o Sau 12:16

Na leaise aumai loa ki le fale o le Eteleno le paaga o sakilifisio ki le agasala ti mo sakilifisio fakamolemole : na tuku le paaga lena ki le kau tagata faisakilifisio.

Lua tosi o Koloniko 29:23

Ti na aumai loa a koti tagata o le fakamolemole o agasala ki mua o le sau mo mua o le fakatasiga, ala na teki loa olatou lima kia latou.

Ekesote 29:38

Ko leinei le nea leia e ke momoli loa i le aletale : ko ni akeno e lua e fetuu taki tasi, i aso taki tasi, o tuumau.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Levitiko 1:11

E tamate loa e ia le manu i le fetuu noleto o le aletale, i mua o le Eteleno ; ti e liligi loa e tagata faisakilifisio, vosa o Alone, le toto o le manu i le takatakai katoa o le aletale.

Levitiko 1:4

E teki loa e ia lona lima ki le fa ulu o le failaulau tutu, leia e tali malie loa e le Eteleno ki le fakamolemole o ana agasala.

Levitiko 1:5

E tamate loa e ia le pipi tagata muli i mua o le Eteleno ; ti e momoli loa e tagata faisakilifisio, vosa o Alone, le toto, o liligi loa a ia i le takatakai katoa o le aletale leia e tuu i le uluaga o le falela tapu.

Levitiko 14:13

E tamate loa e ia le akeno i le ganea leia e tonu ke tamate ai a vikitima ki le fakamolemole ti mo failaulau, i se ganea tapu ; talie i le sakilifisio ki le fakamalie, ofaipe le sakilifisio ki le fakamolemole, e maua loa le vikitima e le tagata faisakilifisio ; ko se nea maokioki lasi a ia.

Levitiko 16:15

Ti e tamate loa e ia le koti tagata ki le fakamolemole o agasala a le kakai, ti e ave loa e ia se toto ki loto o le lito tapono, o fai ai ni afusi ki le toto i aluga o le tapono o le manava alofa ti mo mua o le tapono o le manava alofa.

Levitiko 3:13

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu. E liligi loa e vosa o Alone le toto i le takatakai katoa o le aletale.

Levitiko 3:2

E teki loa e ia lona lima ki le fa ulu o le manu, ti e tamate loa e ia le manu i le uluaga o le falela tapu. E liligi loa e le kau faisakilifisio, vosa o Alone, le toto i le takatakai katoa o le aletale.

Levitiko 3:8

E teki loa e ia lona lima ki le fa ulu o le manu, ti e tamate loa e ia le manu i mua o le falela tapu ; ti e liligi loa e vosa o Alone le toto o le manu ki le takatakai katoa o le aletale.

Levitiko 6:18

Masau kia Alone mo ona vosa, o ke pati kia latou : Ko leinei le lao o le sakilifisio ki le agasala. E tamate loa le vikitima i mua o le Eteleno, i le ganea leia e tamate ai a manu o failaulau. Ko se nea maokioki lasi a ia.

Levitiko 6:22

E kai loa ki ai a fanau tagata fuli o le kau tagata faisakilifisio : ko se nea maokioki lasi a ia.

Levitiko 7:2

E tamate loa le vikitima ki le sakilifisio o le faisala i le ganea leia e tamate ai a failaulau. Ti e liligi loa le toto o le vikitima i le takatakai o le aletale.